ശ്രീകാര്യം: ആക്കുളം കായലും കായല്‍തീരവും കൈയേറി അനധികൃതമായി സ്ഥലം നികത്തി. ഇതിനുപയോഗിച്ച മൂന്ന് ടിപ്പറുകളും ഒരു ജെസിബിയും പിടികൂടി.
ഇവിടെ കായലും തീരവും കൈയേറി നികത്തുന്നതായി ലഭിച്ച പരാതിയുടെ അടിസ്ഥാനത്തില്‍ സബ്കളക്ടര്‍ മാധവികുട്ടിയുടെ നേതൃത്വത്തിൽ ഉദ്യോഗസ്ഥര്‍ സ്ഥലത്തെത്തിയത്. ഉദ്യോഗസ്ഥ സംഘം കായല്‍തീരം നികത്തിക്കൊണ്ടിരുന്ന മൂന്നു ടിപ്പറുകളും ഒരു ജെസിബിയും പിടിച്ചെടുത്ത് തുമ്പ പോലീസിന് കൈമാറി. ഇന്നലെ ഉച്ചയോടെയായിരുന്നു സംഭവം.
കോവിഡ് നിയന്ത്രണങ്ങളുടെ മറവില്‍ ആക്കുളം നിഷിന് സമീപത്തെ കായലിന്റെ വിവിധയിടങ്ങളില്‍ വ്യാപകമായ കൈയേറ്റങ്ങളും കായല്‍ തീരം മണ്ണിട്ട് നികത്തലും പതിവായിട്ടും അധികൃതര്‍ നടപടിയെടുത്തിരുന്നില്ല. സബ് കളക്ടറെ കൂടാതെ തഹസീല്‍ദാരും ആറ്റിപ്ര, ചെറുവയ്‌ക്കല്‍, കടകംപള്ളി വില്ലേജ് ഓഫീസര്‍മാരും റെയ്ഡില്‍ പങ്കെടുത്തു.
പ്രതികരിക്കാൻ ഇവിടെ എഴുതുക: