മുംബൈ: പുതുവത്സര രാത്രിയില്‍ അന്ധേരിക്കു സമീപം ഖാര്‍ വെസ്റ്റില്‍ ബഹുനിലക്കെട്ടിടത്തില്‍നിന്നു വീണ് മരിച്ചനിലയില്‍ കണ്ടെത്തിയ ജാന്‍വിയെ (19) കാമുകനും കൂട്ടുകാരിയും ചേര്‍ന്ന് അടിച്ചു കൊന്നതാണെന്നു പൊലീസ്. കാമുകന്‍ ശ്രീ ജോഗ്ധന്‍കര്‍ (22), കൂട്ടുകാരി ദിയ പഡന്‍കര്‍ (19) എന്നിവരെ പൊലീസ് അറസ്റ്റ് ചെയ്തു.
സുഹൃത്തുക്കള്‍ക്കൊപ്പം പുതുവത്സരാഘോഷത്തിന് എത്തിയ ജാന്‍വി കുക്രേജയാണ് കൊല്ലപ്പെട്ടത്. മുംബൈ ജയ്ഹിന്ദ് കോളജിലെ സൈക്കോളജി ബിരുദ വിദ്യാര്‍ഥിയാണു ജാന്‍വി. അച്ഛന്റെ പിറന്നാള്‍ ആഘോഷമായിരുതിനാല്‍ വെള്ളിയാഴ്ച പുലര്‍ച്ചെ 12.15 വരെ പെണ്‍കുട്ടി വീട്ടില്‍തന്നെ ഉണ്ടായിരുന്നു. തുടര്‍ന്നാണു കൂട്ടുകാര്‍ വിളിച്ചപ്പോള്‍ പുതുവത്സരാഘോഷത്തിനായി പോയത്.
ത്രികോണ പ്രണയമാണു കൊലപാതകത്തില്‍ കലാശിച്ചതെന്നാണ് പ്രാഥമിക നിഗമനം. ഒന്നിനു പുലര്‍ച്ചെ രണ്ടരയോടെയാണ് ജാന്‍വിയുടെ മൃതദേഹം കെട്ടിടത്തിനു സമീപം കണ്ടെത്തിയത്. അപകട മരണമാണെന്നാണ് ആദ്യം കരുതിയിരുന്നതെങ്കിലും സംശയം തോന്നിയ പോലീസ് അസ്വാഭാവിക മരണത്തിന് കേസ് രജിസ്റ്റര്‍ ചെയ്ത് അന്വേഷണം തുടങ്ങി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: