പത്തനാപുരം: നിര്‍ധന കുടുംബത്തിന്റെ വീട് പൂര്‍ണ്ണമായും തകര്‍ത്ത ശേഷം സാധനസാമഗ്രികള്‍ ബന്ധുക്കള്‍ മോഷ്ടിച്ചതായി പരാതി. പട്ടാഴി താഴത്ത് വടക്ക് സ്വദേശിനി ലീലയും മകള്‍ രമ്യയുമാണ് ബന്ധുക്കള്‍ക്കെതിരെ പത്തനാപുരം പോലീസില്‍ പരാതി നല്‍കിയത്. ഏഴ് വര്‍ഷം മുമ്പ് മരണപ്പെട്ട ലീലയുടെ ഭര്‍ത്താവ് പ്രഭാകരന്റെ പേരിലുളള പത്തനാപുരം കല്ലുംകടവിന് സമീപത്തായുള്ള വീടാണ് ഇടിച്ച് നിരത്തിയത്.
മകളോടൊപ്പം കൊല്ലത്തായിരുന്ന ലീല കഴിഞ്ഞ ദിവസം പത്തനാപുരത്ത് എത്തിയപ്പോഴാണ് തങ്ങളുടെ വീട് ഇടിച്ച് നിരത്തിയ വിവരം അറിയുന്നത്. ഇഷ്ടിക അടക്കമുള്ള സാധനസാമഗ്രികളും ബന്ധുക്കള്‍ കൊണ്ടുപോയതായും ഇവര്‍ പറയുന്നു. ഭര്‍ത്താവ് മരണപ്പെട്ട ശേഷം ചില ബന്ധുക്കള്‍ ചേര്‍ന്ന് വസ്തുവകകള്‍ കൈക്കലാക്കാന്‍ ശ്രമം നടത്തുന്നതായും തനിക്കും മകള്‍ക്കും ജീവന് ഭീഷണിയുണ്ടെന്നും ലീല പരാതിയില്‍ പറയുന്നു.
വസ്തു തര്‍ക്കത്തിന്റെ പേരില്‍ കോടതിയില്‍ നിന്നും ഇവര്‍ക്ക് അനുകൂല വിധി ലഭിച്ചിരുന്നു. അതിന് ശേഷമാണ് അതിക്രമങ്ങള്‍ ഉണ്ടായത്. മോഷണമുള്‍പ്പെടെ ഏഴ് ലക്ഷത്തോളം രൂപയുടെ നാശനഷ്ടങ്ങള്‍ സംഭവിച്ചതായും ഇവര്‍ പോലീസില്‍ നല്‍കിയ പരാതിയില്‍ പറയുന്നുണ്ട്.
പ്രതികരിക്കാൻ ഇവിടെ എഴുതുക: