Categories: Kerala

ഗുരുവായൂര്‍ ക്ഷേത്രത്തില്‍ നാളെ മുതല്‍ ഭക്തരെ പ്രവേശിപ്പിക്കും; ചോറൂണ് ഒഴികെ മറ്റു വഴിപാടുകള്‍ക്കും അനുമതി

കണ്ടെയ്ന്‍മെന്റ് സോണില്‍ നിന്ന് പ്രദേശത്തെ നീക്കിയതിനെ തുടര്‍ന്നാണ് തീരുമാനം.

Published by

ഗുരുവായൂര്‍: ഗുരുവായൂര്‍ ക്ഷേത്രത്തില്‍ നാളെ മുതല്‍ വീണ്ടും ഭക്തരെ പ്രവേശിപ്പിക്കാന്‍ തീരുമാനം. വെര്‍ച്വല്‍ ക്യൂ വഴി 3000 പേരെ ദര്‍ശനത്തിന് അനുവദിക്കും. ചോറൂണ് ഒഴികെയുള്ള മറ്റ് വഴിപാടുകള്‍ നടത്താം. കണ്ടെയ്ന്‍മെന്റ് സോണില്‍ നിന്ന് പ്രദേശത്തെ നീക്കിയതിനെ തുടര്‍ന്നാണ് തീരുമാനം. കൊറോണ വ്യാപനത്തിന്റെ പശ്ചാത്തലത്തില്‍ ഗുരുവായൂര്‍ ക്ഷേത്രത്തില്‍ ഡിസംബര്‍ 12 മുതലാണ് ദര്‍ശനത്തിന് വിലക്ക് ഏര്‍പ്പെടുത്തിയത്. ഭക്തര്‍ക്ക് നാലമ്പലത്തിലേക്ക് പ്രവേശനം അനുവദിച്ചത് ഈ മാസം ആദ്യമായിരുന്നു. എന്നാല്‍ ജീവനക്കാര്‍ക്ക് കൊറോണ സ്ഥിരീകരിച്ചതോടെ ഉടന്‍ തന്നെ ഭക്തര്‍ക്കുള്ള പ്രവേശനം വിലക്കിയിരുന്നു.

 ചെറിയ കുട്ടികളെയും 65 വയസിനു മുകളില്‍ പ്രായമുള്ളവരേയും ക്ഷേത്രത്തില്‍ പ്രവേശിപ്പിക്കില്ല. ക്ഷേത്രത്തിന് സമീപമുള്ള കടകള്‍ തുറന്ന് പ്രവര്‍ത്തിക്കില്ല. വ്യാപാരികള്‍ക്ക് കൊറോണ പരിശോധന പൂര്‍ത്തിയാക്കിയ ശേഷമേ കടകള്‍ തുറക്കാന്‍ അനുവദിക്കുകയുള്ളു.

Share
Janmabhumi Online

Online Editor @ Janmabhumi

പ്രതികരിക്കാൻ ഇവിടെ എഴുതുക
Published by