തൃശൂര്: തൃശൂര് കോര്പറേഷനില് ബിജെപിയുടെ മുന്നേറ്റം: ഒന്നാം വാര്ഡായ പൂങ്കുന്നം ഡിവിഷനില് ബിജെപി സ്ഥാനാര്ത്ഥിയായി മത്സരിച്ച കേരള വര്മ കോളേജിലെ ഡോ. വി. ആതിര ഏറ്റവും വലിയ ഭൂരിപക്ഷത്തില് വിജയിച്ചു. 583 വോട്ടിനാണ് അതിര വിജയിച്ചത്. പൂങ്കുന്നം, പാട്ടുരായ്ക്കല്, തേക്കിന്കാട്, കോട്ടപ്പുറം, കൊക്കാല എന്നീ വാര്ഡുകളിലാണ് ബിജെപി വിജയിച്ചത്. മൂന്നു വാര്ഡുകളില് ബിജെപി ലീഡ് ചെയ്യുന്നുണ്ട്.
കോര്പറേഷനിലെ അന്പത്തിയഞ്ചു ഡിവിഷനുകളില് ആറിടത്താണ് കഴിഞ്ഞ തിരഞ്ഞെടുപ്പില് ബി.ജെ.പി ജയിച്ചു കയറിയത്. കഴിഞ്ഞ ലോക്സഭ തിരഞ്ഞെടുപ്പില് കോര്പറേഷനിലെ പതിനെട്ടു ഡിവിഷനുകളില് ബി.ജെ.പി. നടത്തിയ മുന്നേറ്റത്തിലാണ് പ്രതീക്ഷ. കോര്പറേഷന്റെ നാല്പത്തിയാറു ഡിവിഷനുകളില് ബിജെപി സ്ഥാനാര്ഥികളും ഒന്പതിടത്ത് ബി.ഡി.ജെ.എസ്. സ്ഥാനാര്ഥികളുമാണ് മത്സരിച്ചത്.
