കൊല്‍ക്കത്ത: കഴിഞ്ഞദിവസം ബംഗാളില്‍ ആക്രമിക്കപ്പെട്ടതിന് പിന്നാലെ ബിജെപി ദേശീയ ജനറല്‍ സെക്രട്ടറി കൈലാഷ് വിജയ്വര്ഗീയയ്ക്ക് സെഡ് ക്യാറ്റഗറി സുരക്ഷ ഏര്‍പ്പെടുത്തി. ബുള്ളറ്റ് പ്രൂഫ് കാറും അദ്ദേഹത്തിന് അനുവദിച്ചിട്ടുണ്ട്. വ്യാഴാഴ്ചയാണ് ബിജെപി ദേശീയ അധ്യക്ഷന്‍ ജെ പി നദ്ദയുടെയും കൈലാഷ് വിജയ് വര്‍ഗീയയുടെയും വാഹനവ്യൂഹം ആക്രമിക്കപ്പെട്ടത്.
അടുത്തവര്‍ഷം നടക്കുന്ന ബംഗാള്‍ നിയമസഭാ തെരഞ്ഞെടുപ്പിന്റെ ഒരുക്കങ്ങളുടെ ഭാഗമായി പാര്‍ട്ടി പ്രവര്‍ത്തകരെ കാണാന്‍ 24 സൗത്ത് പര്‍ഗാനാസ് ജില്ലയിലെ ഡയമണ്ട് ഹാര്‍ബറിലേക്ക് പോകുന്നതിനിടെയായിരുന്നു ആക്രമണം. സംഭവത്തില്‍ വിജയ് വര്‍ഗീയയ്‌ക്ക് പരിക്കേറ്റിരുന്നു.
ആക്രമണത്തിന്റെ തൃശ്യങ്ങള്‍ അദ്ദേഹം പിന്നീട് ട്വീറ്റ് ചെയ്തു. സുരക്ഷാ വീഴ്ചയില്‍ കുറ്റക്കാരെന്ന് കണ്ടെത്തി മൂന്ന് ഐപിഎസ് ഉദ്യോഗസ്ഥരെ തിരിച്ചുവിളിച്ച് കേന്ദ്ര ആഭ്യന്തരമന്ത്രാലയം ഉത്തരവിറക്കിയിട്ടുണ്ട്. സംഭവവുമായി ബന്ധപ്പെട്ട് പത്തിലേറെ പേരെ അറസ്റ്റ് ചെയ്തിട്ടുണ്ടെന്നാണ് സംസ്ഥാന സര്‍ക്കാര്‍ നല്‍കുന്ന വിശദീകരണം.
പ്രതികരിക്കാൻ ഇവിടെ എഴുതുക: