പനജി: ഗോവ തദ്ദേശ ഫല സൂചനകള്‍ പുറത്തുവരുമ്പോള്‍ വലിയ മുന്നേറ്റം നടത്തി ബിജെപി. ഫലം പുറത്തുവന്ന സീറ്റുകളില്‍ 13 ഇടങ്ങളില്‍ ബിജെപി വിജയിച്ചു. രണ്ട് സീറ്റുകളില്‍ മാത്രമാണ് കോണ്‍ഗ്രസ് വിജയിച്ചത്. 5 സ്വതന്ത്രര്‍ വിജയം നേടിയപ്പോള്‍ എംജിപി ഒരിടത്ത് ജയിച്ചു. ആം ആദ്മി പാര്‍ട്ടി അക്കൗണ്ട് തുറന്നിട്ടില്ല.
ഗോവയിലെ 50 തദ്ദേശ സ്വയംഭരണ സീറ്റുകളില്‍ 48 ഇടങ്ങളിലാണ് തെരഞ്ഞെടുപ്പ് നടന്നത്. സാങ്കോളില്‍ ബിജെപി സ്ഥാനാര്‍ത്ഥി എതിരില്ലാതെ തിരഞ്ഞെടുക്കപ്പെട്ടിരുന്നു. പതിനഞ്ച് കേന്ദ്രങ്ങളിലായാണ് വോട്ടെണ്ണല്‍ പുരോഗമിക്കുന്നത്. 56.82 ശതമാനമായിരുന്നു പോളിംഗ്.
നാല് ലക്ഷത്തിലധികം വോട്ടര്‍മാര്‍ സംസ്ഥാനത്ത് സമ്മതിദാനാവകാശം രേഖപ്പെടുത്തി. മാര്‍ച്ച് മാസത്തില്‍ നടക്കേണ്ടിയിരുന്ന തെരഞ്ഞെടുപ്പ് കൊവിഡ് പശ്ചാത്തലത്തില്‍ മാറ്റി വെക്കുകയായിരുന്നു.
പ്രതികരിക്കാൻ ഇവിടെ എഴുതുക: