കല്‍പ്പറ്റ: സാധാരണക്കാരന്റെ ജീവിതത്തിലേക്ക് വെളിച്ചം വീശിയ സര്‍ക്കാരാണ് നരേന്ദ്രമോദിയുടെ നേതൃത്വത്തിലുള്ള സര്‍ക്കാരെന്ന് മാനന്തവാടി ബിജെപി മണ്ഡലം പ്രസിഡന്റ് കണ്ണന്‍ കണിയാരം. കേന്ദ്ര സര്‍ക്കാരിന്റെ ജനക്ഷേമ പദ്ധതികള്‍ നേരിട്ട് ആളുകളുടെ കൈകളിലെത്തി. ഇടതു വലതു മുന്നണികളുടെ അഴിമതി രാഷ്‌ട്രീയം ജനങ്ങള്‍ മടുത്തിരിക്കുന്നു. ജനങ്ങള്‍ ആഗ്രഹിക്കുന്നത് തങ്ങളെ മനസ്സിലാക്കുന്ന ജന പ്രതിനിധികള്‍ വരുവാനാണ്.
എന്‍ഡിഎ മുന്നണിയെ ജനങ്ങള്‍ ഇരുകൈയും നീട്ടി സ്വീകരിച്ചു കഴിഞ്ഞു. ബിജെപി നേതൃത്വം നല്‍കുന്ന എന്‍ഡിഎ മുന്നണി കേരളത്തില്‍ വരേണ്ടത് സാധാരണ ജനങ്ങളുടെ ആവശ്യമാണ്. മാറിമാറി ഭരിച്ച ഇടതു വലതു മുന്നണികള്‍ കീശ വീര്‍പ്പിച്ചതല്ലാതെ വികസനങ്ങള്‍ ഒന്നും തന്നെ വന്നില്ല. ജനങ്ങളെ നേരിട്ട് അറിയുന്നവര്‍ തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികള്‍ക്ക് ആണ്. കേന്ദ്ര സര്‍ക്കാരിന്റെ പദ്ധതികള്‍ ഇനിയും പാവപ്പെട്ടവന്റെ കൈവശം എത്തണമെങ്കില്‍ എന്‍ഡിഎ മുന്നണി തദ്ദേശ സ്വയംഭരണ തെരഞ്ഞെടുപ്പില്‍ ജയിക്കേണ്ടത് അത്യാവശ്യമാണ്.
പൊള്ളയായ വാഗ്ദാനങ്ങള്‍ നല്‍കുന്ന മുന്നണികളെ ജനം തിരിച്ചറിഞ്ഞിട്ടുണ്ട്. മെഡിക്കല്‍ കോളേജ് വിഷയത്തിലും, ചുരം ബദല്‍ റോഡ് വിഷയത്തിലും, വന്യമൃഗശല്യ പരിഹാരത്തിനും ജനങ്ങള്‍ പറ്റിക്കപ്പെടുകയാണുണ്ടായത്. വനവാസി ഊരുകളിലേക്ക് വികസനങ്ങള്‍ എത്തിക്കുന്നതില്‍ ഇപ്പോഴുള്ള ഭരണ സമിതി പൂര്‍ണ പരാജയമാണ്. പാര്‍പ്പിടം, കുടിവെള്ളം എന്നീ വിഷയങ്ങള്‍ മിക്ക കോളനികളിലും പരിഹാരമായില്ല. കോളനികളിലേക്കുള്ള പൊട്ടിപ്പൊളിഞ്ഞ റോഡുകല്‍ ഇതുവരെയും നന്നാക്കിയില്ല. വനവാസി വിഭാഗങ്ങളെ പൂര്‍ണമായും തള്ളിക്കളയുന്ന സര്‍ക്കാരാണ് ഇവിടെ ഭരിക്കുന്നത്. ഇടത് വലത് മുന്നണികള്‍ക്ക് ബദലായ എന്‍ഡിഎക്ക് മാത്രമെ ഇവിടെ മാറ്റം കൊണ്ട് വരുവാന്‍ സാധിക്കൂ.
പ്രതികരിക്കാൻ ഇവിടെ എഴുതുക: