കൊട്ടാരക്കര: കൊല്ലം ജില്ലാ പഞ്ചായത്ത് വെട്ടിക്കവല ഡിവിഷന്‍ എന്‍ഡിഎ സ്ഥാനാര്‍ത്ഥി അഡ്വ. വയയ്‌ക്കല്‍ സോമന്റെ മൂന്നാംദിന സ്വീകരണ പരിപാടികളില്‍ മുഖ്യാതിഥിയായി മുന്‍ കേന്ദ്രമന്ത്രി അല്‍ഫോണ്‍സ് കണ്ണന്താനം പങ്കെടുത്തു. പൊലിക്കോട്, വയയ്‌ക്കല്‍ വാര്‍ഡുകളില്‍ നടന്ന സ്വീകരണ പരിപാടികള്‍ അദ്ദേഹം ഉദ്ഘാടനം ചെയ്തു.
കേന്ദ്രസര്‍ക്കാര്‍ നടത്തുന്ന വികസന പ്രവര്‍ത്തനങ്ങള്‍ അര്‍ഹതപ്പെട്ടവരുടെ കൈകളിലെത്തിക്കുവാന്‍ ത്രിതല പഞ്ചായത്തിന്റെ ഭരണം ഭരതീയജനതപാര്‍ട്ടിയുടെ കൈകളിലെത്തണമെന്ന് അദ്ദേഹം പറഞ്ഞു. സ്വപ്‌നയും സരിതയും കേരളം ഭരിക്കുന്ന നെറികേടിന് ഈ തെരഞ്ഞെടുപ്പില്‍ ജനാധിപത്യ വിശ്വാസികള്‍ മറുപടി നല്‍കുമെന്നും അദ്ധേഹം കൂട്ടിച്ചേര്‍ത്തു.
ജില്ല പഞ്ചായത്ത് വെട്ടിക്കവല ഡിവിഷന്‍ സ്ഥാനാര്‍ത്ഥി അഡ്വ. വയയ്കല്‍ സോമന്‍, വാളകം ബ്ലോക്ക് ഡിവിഷന്‍ സ്ഥാനാര്‍ത്ഥി ശ്രീജി ബൈജു, ചിരട്ടക്കോണം ബ്ലോക്ക് ഡിവിഷന്‍ സ്ഥാനാര്‍ത്ഥി സേതുനെല്ലിക്കോട്, പൊലിക്കോട് വാര്‍ഡ് സ്ഥാനാര്‍ത്ഥി രാഖി, വയയ്കല്‍ വാര്‍ഡ് സ്ഥാനാര്‍ത്ഥി ബിന്ദു, തേവന്നൂര്‍ വാര്‍ഡ് സ്ഥാനാര്‍ത്ഥി ഹരികുമാര്‍, ബിജെപി ഉമ്മന്നൂര്‍ പഞ്ചായത്ത് സമിതി പ്രസിഡന്റ് അണ്ടൂര്‍ രാധാകൃഷ്ണന്‍, യുവമോര്‍ച്ച കൊല്ലം ജില്ല സെക്രട്ടറി ദീപുരാജ്, ബിജെപി മുന്‍ജില്ല പ്രസിഡന്റ് വയയ്കല്‍ മധു, കൊട്ടാരക്കര നിയോജകമണ്ഡലം ജനറല്‍സെക്രട്ടറി ഷാലു കുളക്കട, നിയോജകമണ്ഡലം സംയോജകന്‍ എഴുകോണ്‍ വേണു, ബൈജു പൊലിക്കോട്, ജില്ല ഡിവിഷന്‍ ഇന്‍ചാര്‍ജ് യദുകുലം മുരളി എന്നിവര്‍ സ്വീകരണയോഗത്തില്‍ സംബന്ധിച്ചു.
പ്രതികരിക്കാൻ ഇവിടെ എഴുതുക: