കല്‍പ്പറ്റ: കേന്ദ്രപദ്ധതികള്‍ ജനങ്ങളില്‍ എത്തിക്കാന്‍ എന്‍ഡിഎ ഭരണത്തില്‍ വരണമെന്ന് എബിവിപി ജില്ലാ പ്രസിഡന്റ് കെ.എം വിഷ്ണു. കേരളത്തിലെ ത്രിതല പഞ്ചായത്ത് കേന്ദങ്ങളിലേക്കുള്ള തിരഞ്ഞെടുപ്പ് നടക്കുന്ന സമയമാണിത്. നമ്മുടെ പഞ്ചായത്തില്‍ നിരവധി ജനകീയ പ്രവര്‍ത്തനങ്ങള്‍ നടക്കേണ്ടതായി ഉണ്ട്. ഇവിടുന്ന് വിജയിച്ച് പോയ ഇടതു വലതു മുന്നണികള്‍ നാടിന് വേണ്ടി എന്തൊക്കെ ചെയ്തു എന്നുള്ളത് നമ്മുടെ മുമ്പില്‍ വ്യക്തമാണ്.
ഇടതു വലതു മുന്നണികള്‍ മാറി മാറി ഭരിക്കുന്നതു കൊണ്ട് പഞ്ചായത്തുകളില്‍ വികസന കുതിപ്പിന് പകരം വികസന മുരടിപ്പാണ് നടക്കുന്നത്. ഇടതു വലതു മുന്നണികള്‍ അഴിമതിയുടെ ഗോപുരത്തില്‍ കയറി നില്‍ക്കുമ്പോള്‍ ജനങ്ങള്‍ക്ക് ഒപ്പം നിന്ന് പ്രവര്‍ത്തിക്കേണ്ട ജന പ്രതിനിധികളെ തിരഞ്ഞെടുക്കേണ്ടത് ഇന്നത്തെ സമൂഹത്തിന്റെ ആവശ്യമാണ്.
കേന്ദ്ര സര്‍ക്കാര്‍ ജനങ്ങള്‍ക്ക് വേണ്ടി ആരംഭിച്ച നിരവധി പദ്ധതികള്‍ പോലും താഴെത്തട്ടില്‍ ജീവിക്കുന്ന ജനങ്ങളിലേക്ക് എത്തിക്കാന്‍ ഇവിടുത്തെ ഭരണസമിതി തയ്യാറാവുന്നില്ല. അല്ലെങ്കില്‍ അതിനു വേണ്ടി ശ്രമിക്കുന്നില്ല. എന്നാല്‍ ഈ തിരഞ്ഞെടുപ്പില്‍ വികസനത്തിന് ഒപ്പം നില്‍ക്കുന്ന മുന്നണിയെ വിജയിപ്പിച്ച് പഞ്ചായത്ത് ഭരണം കൈമാറേണ്ടത് ഇന്നത്തെ സാഹചര്യത്തില്‍ ആവശ്യമാണ്. വികസന മുരടിപ്പിനല്ല വികസന കുതിപ്പിനാവട്ടെ നമ്മുടെ വോട്ട്.
പ്രതികരിക്കാൻ ഇവിടെ എഴുതുക: