ഒല്ലൂര് ചീരാച്ചിയില് അടച്ചിട്ട വീട്ടില് വന് മോഷണം. 10 പവന് സ്വര്ണം നഷ്ടമായി. മഞ്ഞളി ആന്റോയുടെ വീട്ടിലാണ് മോഷണം നടന്നത്. വീട്ടുകാര് സ്ഥലത്തുണ്ടായിരുന്നില്ല.നാലുദിവസമായി വീട് അടച്ചിട്ടിരിക്കുകയായിരുന്നു. ഇന്നലെ രാവിലെ തിരിച്ചെത്തിയപ്പോഴാണ് മോഷണം നടന്ന വിവരമറിഞ്ഞത്. ഉടന് പോലീസില് അറിയിക്കുകയായിരുന്നു.
ഒല്ലൂര് പോലീസും വിരലടയാള വിദഗ്ധരും സ്ഥലത്തെത്തി തെളിവുകള് ശേഖരിച്ചു. വീട്ടില് ആളില്ലെന്ന് മനസിലാക്കിയാണ് മോഷ്ടാക്കള് കൃത്യം നടത്താനെത്തിയതെന്ന നിഗമനത്തിലാണ് പോലീസ്.ആന്റോയുടേയും കുടുംബത്തിന്റേയും നീക്കങ്ങള് നിരീക്ഷിച്ചശേഷമാകാം വീട്ടില് മോഷണത്തിന് പദ്ധതിയിട്ടത്.
ഒരിടവേളക്ക് ശേഷം നഗരത്തില് വീണ്ടും മോഷണക്കേസുകള് വര്ധിക്കുന്നത് പോലീസിന് തലവേദന സൃഷ്ടിക്കുന്നു. വീട് അടച്ചുപൂട്ടി പോകുമ്പോള് അടുത്തുള്ള സ്റ്റേഷനില് വിവരമറിയിക്കണമെന്നും സുരക്ഷാ മുന്കരുതലുകള് സ്വീകരിക്കണമെന്നും പോലീസ് പറഞ്ഞു. കഴിയുമെങ്കില് വിലപിടിപ്പുള്ള ആഭരണങ്ങള് ഇത്തരം സാഹചര്യത്തില് വീട്ടില് വച്ചിട്ടുപോകുന്നത് ഒഴിവാക്കണം.
