തൃശൂര്‍: ഔദ്യോഗിക സ്ഥാനാര്‍ഥികള്‍ക്കെതിരെ മത്സരിക്കുന്ന വിമതരെ കോണ്‍ഗ്രസ് പാര്‍ട്ടിയില്‍ നിന്ന് പുറത്താക്കി. കോര്‍പ്പറേഷന്‍ തെരഞ്ഞെടുപ്പില്‍ 16-ാം ഡിവിഷനിലെ യുഡിഎഫ് സ്ഥാനാര്‍ഥി ബൈജു വര്‍ഗീസിനെതിരെ വിമതനായി മത്സരിക്കുന്ന എം.കെ. വര്‍ഗീസിനെ പുറത്താക്കിയതായി ഡിസിസി പ്രസിഡന്റ് എം.പി. വിന്‍സെന്റ് അറിയിച്ചു.
പാര്‍ട്ടി വിരുദ്ധ പ്രവര്‍ത്തനം നടത്തിയതിന് മറ്റു ഭാരവാഹിത്വങ്ങളില്‍ നിന്ന് ഒഴിവാക്കിയതായും പ്രസിഡന്റ് അറിയിച്ചു. അച്ചടക്ക ലംഘനം നടത്തിയതിന് ജിയോ ആലപ്പാടനെയും പുറത്താക്കി. കോര്‍പ്പറേഷന്‍ 42-ാം ഡിവിഷനില്‍ കോണ്‍ഗ്രസ് സ്ഥാനാര്‍ഥിക്കെതിരെ വിമതനായി രംഗത്തെത്തിയതിനാണ് നടപടി.
കിഴക്കുംപാട്ടുകര ഡിവിഷനില്‍ വിമതനായി മത്സരിക്കുന്ന കെ.ജെ. റാഫിയെയും വരടിയം വാര്‍ഡ് 13ല്‍ യുഡിഎഫ് സ്ഥാനാര്‍ഥി എം.എ. രാമകൃഷ്ണനെതിരേ വിമതനായി മത്സരിക്കുന്ന വി. ജയരാജിനെയും കഴിഞ്ഞ ദിവസം പുറത്താക്കിയിരുന്നു.
പ്രവര്‍ത്തകരായ ശ്രീജിത്ത്, സുരേന്ദ്രന്‍ മാനഴി, മധുകുമാര്‍ വാറനാട്ട്, ശ്രീനാഥ് എന്നിവരില്‍ നിന്ന് വിശദീകരണവും ആവശ്യപ്പെട്ടിട്ടുണ്ടെന്ന് നേതൃത്വം അറിയിച്ചു.
പ്രതികരിക്കാൻ ഇവിടെ എഴുതുക: