ന്യൂദല്‍ഹി: ഓസ്‌ട്രേലിയക്കെതിരായ ഏകദിന പരമ്പരയില്‍ ഇന്ത്യ പഴയ ജേഴ്‌സി അണിഞ്ഞാണ് കളിക്കാനിറങ്ങുക. 1992ലെ ലോകകപ്പില്‍ ധരിച്ച ജേഴ്‌സിയുടെ മാതൃകയിലുള്ള കിറ്റാണ് ഇന്ത്യന്‍ താരങ്ങള്‍ നാളെ ആരംഭിക്കുന്ന പരമ്പരയില്‍ ഉപയോഗിക്കുക.
ഇന്ത്യന്‍ ഓപ്പണര്‍ ശിഖര്‍ ധവാനാണ് ഈ കാര്യം പുറത്തുവിട്ടത്. നേവി ബ്ലു നിറത്തിലുള്ള ഈ ജേഴ്‌സില്‍, ഇന്ത്യന്‍ ടീമിന്റെ പുതിയ സ്‌പോണ്‍സറായ ബൈജൂസ്, കിറ്റ് സ്‌പോണ്‍സര്‍മാരായ എംപിഎല്‍ എന്നിവയുടെ ലോഗോ പതിപ്പിച്ചിട്ടുണ്ട്.
പഴയ ജേഴ്‌സി ധരിച്ച് കളിക്കുന്ന സമ്പ്രദായം ക്രിക്കറ്റ് ഓസ്‌ട്രേലിയയാണ് തുടങ്ങിയത്. കഴിഞ്ഞ സീസണിലെ ഓസ്‌ട്രേലിയന്‍ പര്യടനത്തില്‍ ഓസീസ് താരങ്ങള്‍ 1985ലെ ലോക സീരീസിലെ ജേഴ്‌സിയുടെ മാതൃകയിലുള്ള കിറ്റാണ് ഉപയോഗിച്ചത്.
പ്രതികരിക്കാൻ ഇവിടെ എഴുതുക: