തിരുവനന്തപുരം: തദ്ദേശ സ്വയംഭരണ സ്ഥാപന തെരഞ്ഞെടുപ്പിന്റെ വോട്ടെടുപ്പുമായി ബന്ധപ്പെട്ട നടപടിക്രമങ്ങള് ജില്ലാ തലത്തില് ഏകോപിപ്പിക്കാന് പോള് മാനേജര് ആപ്പ് തയാറായി. നാഷണല് ഇന്ഫര്മാറ്റിക്സ് സെന്റര്(എന്ഐസി) തയാറാക്കിയ പോള് മാനേജര് ആപ് വഴിയാണ് വോട്ടിങ് യന്ത്രങ്ങള് പോളിങ് ഉദ്യോഗസ്ഥര് ഏറ്റുവാങ്ങുന്നതുമുതല് വോട്ടെടുപ്പ് കഴിഞ്ഞ് അവ തിരികെ ഏല്പ്പിക്കുന്നതുവരെയുള്ള എല്ലാ കാര്യങ്ങളും ക്രോഡീകരിക്കുന്നത്.
ജില്ലയില് വോട്ടെടുപ്പ് ദിനമായ ഡിസംബര് എട്ടിനും തലേന്നുമാണ് പോള് മാനേജര് ആപ്പ് ഉപയോഗിക്കുന്നത്. വോട്ടെടുപ്പ് ദിവസം കൃത്യമായ ഇടവേളകളില് ബൂത്തുകളില്നിന്നുള്ള വോട്ടിങ് ശതമാനം ഈ ആപ് വഴിയാണ് ജില്ലാ കണ്ട്രോള് റൂമില് ലഭ്യമാകുന്നത്.
മുന്കൂട്ടി തയാറാക്കിയ 21 ചോദ്യാവലികളാണ് ആപിലുള്ളത്. പ്രിസൈഡിങ് ഓഫിസര്, ഫസ്റ്റ് പോളിങ് ഓഫിസര്, സെക്ടറല് ഓഫിസര് എന്നിവരാകും ആപ് ഉപയോഗിക്കുക. ജില്ലാതല നോഡല് ഓഫിസര്മാരാണ് ആപില് അപ്ഡേറ്റ് ചെയ്യുന്ന വിവരങ്ങള് ക്രോഡീകരിക്കുന്നത്.
