പാലക്കാട്: ട്രെയിനില്‍ കടത്തിയ 40 കിലോ കഞ്ചാവ് പിടികൂടി. റെയില്‍വേ സംരക്ഷണസേനയും എക്സൈസ് വകുപ്പും സംയുക്തമായി നടത്തിയ പരിശോധനയിലാണ് ഹൈദരാബാദില്‍ നിന്ന് തിരുവനന്തപുരത്തേക്ക് പോകുകയായിരുന്ന ശബരി എക്‌സ്പ്രസിന്റെ റിസര്‍വേഷന്‍ കംപാര്‍ട്ട്മെന്റില്‍ ഇന്നലെ രാവിലെ ഒന്‍പതരയോടെയാണ് പിടികൂടിയത്.
രഹസ്യ വിവരത്തെ തുടര്‍ന്ന് ട്രെയിനില്‍ പരിശോധന നടത്തവേ അധികൃതരെ കണ്ട രണ്ട് പേര്‍ ഓടിരക്ഷപ്പെട്ടു. ഇതിലൊരാളുടെ മൊബൈല്‍ ഫോണ്‍ ലഭിച്ചിട്ടുണ്ട്. ഫോണ്‍ കേന്ദ്രീകരിച്ച് നടത്തിയ പരിശോധനയില്‍ പ്രതികള്‍ തൃത്താല സ്വദേശികളാണെന്ന് സംശയിക്കുന്നതായും ഇവരെ പിടികൂടുന്നതിന് ്അന്വേഷണം ഊര്‍ജ്ജിതമാക്കിയിട്ടുണ്ട്.
ആര്‍പിഎഫ്, ട്രെയിന്‍ ഇന്റിലിന്‍ജസ് വിഭാഗം എഎസ്‌ഐ സജു, ഹെഡ് കോണ്‍സ്റ്റബിള്‍ സജി അഗസ്റ്റിന്‍. കോണ്‍സറ്റബിള്‍മാരായി വി. സവിന്‍, എന്‍. അശോക് , എക്സൈസ് പ്രിവന്റീവ് ഓഫീസര്‍മാരായ കെ.ബിജു, മന്‍സൂര്‍ അലി, എസ്.രവികുമാര്‍ എന്നിവരടങ്ങുന്ന സംഘമാണ് കഞ്ചാവ് കണ്ടെടുത്തത്.
പ്രതികരിക്കാൻ ഇവിടെ എഴുതുക