തൊടുപുഴ: നഗരസഭയിലെ എന്‍ഡിഎ തെരഞ്ഞെടുപ്പ് കമ്മിറ്റി ഓഫീസ് ബിജെപി ജില്ലാ പ്രസിഡന്റ് കെ.എസ്. അജി ഭദ്ര ദീപം കൊളുത്തി ഉദ്ഘാടനം ചെയ്തു.
ഇടത്-വലത് മുന്നണികളുടെ മാറി മാറിയുള്ള ഭരണം നഗരസഭയുടെ വികസന മുരടിപ്പിന് കാരണമായെന്നും വരാനിരിക്കുന്ന തെരഞ്ഞെടുപ്പില്‍ എന്‍ഡിഎ മുന്നണിയെ വളരെ പ്രതീക്ഷയോടെ ആണ് നഗരത്തിലെ ജനങ്ങള്‍ കാണുന്നതെന്നും അദ്ദേഹം ഉദ്ഘാടന പ്രസംഗത്തില്‍ അദ്ദേഹം പറഞ്ഞു. മുനിസിപ്പല്‍ വൈസ് പ്രസിഡന്റ് പി.എസ്. രാജേഷ് അധ്യക്ഷനായ യോഗത്തില്‍ സംസ്ഥാന സമിതി അംഗം പി.പി. സാനു, സംസ്ഥാന കൗണ്‍സില്‍ അംഗം പി.ആര്‍. വിനോദ് എന്നിവര്‍ ആശംസ അറിയിച്ച് സംസാരിച്ചു.
മുനിസിപ്പല്‍ ജന. സെക്രട്ടറി അനൂപ് പാങ്കാവില്‍, ഏരിയ ജന. സെക്രട്ടറി രാജേഷ് പൂവശേരില്‍, ജില്ലാ സെക്രട്ടറി അഡ്വ. അമ്പിളി അനില്‍, ഒബിസി. മോര്‍ച്ച ജില്ലാ പ്രസിഡന്റ് പി. പ്രബീഷ്, മഹിളാ മോര്‍ച്ച ജില്ലാ ജനറല്‍ സെക്രട്ടറി ശ്രീവിദ്യ രാജേഷ്, ഹിന്ദു എക്‌ണോമിക് ഫോറം സംസ്ഥാന ജനറല്‍ സെക്രട്ടറി എസ്. പദ്മഭൂഷന്‍, നേതാക്കള്‍ ആയ അഖില്‍ കാഞ്ഞിരമറ്റം, ബിജു ബാലകൃഷ്ണന്‍, ബിനു ആര്‍, അനൂപ് പി.വി, പദ്മകുമാര്‍ എസ്, സനല്‍ പുരുഷോത്തമന്‍, പി.സി. രാധാകുമാര്‍, പി.ജി. രാജശേഖരന്‍, ബി. വിശാഖ്, അര്‍ജുന്‍ രാധാകൃഷ്ണന്‍ തുടങ്ങിയവര്‍ പങ്കെടുത്തു.
ശ്രീവത്സം ആഡിറ്റോറിയത്തില്‍ നടന്ന പരിപാടിയില്‍ തുടര്‍ന്ന് ജില്ലാ പ്രസിഡന്റ് കെ.എസ്. അജിയുടെ നേതൃത്വത്തില്‍ സ്ഥാനാര്‍ത്ഥികളെ ആദരിക്കുകയും പാര്‍ട്ടിയിലേക്ക് പുതിയതായി വന്നവരെ ഷാള്‍ അണിയിച്ചു സ്വീകരിക്കുകയും ചെയ്തു.
പ്രതികരിക്കാൻ ഇവിടെ എഴുതുക: