ന്യൂദല്‍ഹി : അടുത്തിടെ നടന്ന നിയമസഭാ തെരഞ്ഞെടുപ്പില്‍ കോണ്‍ഗ്രസ്സിന്റെ പ്രകടനം ദയനീയമായിരുന്നെന്ന് മുതിര്‍ന്ന നേതാവ് പി. ചിദംബരം. ബിഹാര്‍ തെരഞ്ഞെടുപ്പില്‍ 70 സീറ്റുകളില്‍ മത്സരിച്ചതില്‍ 19 എണ്ണത്തില്‍ മാത്രമാണ് വിജയിക്കാന്‍ ആയത്. 2015ലെ നിയമസഭാ തെരഞ്ഞെടുപ്പില്‍ 41 സീറ്റില്‍ മത്സരിച്ചതില്‍ 27 എണ്ണത്തില്‍ വിജയിക്കാന്‍ ആയിരുന്നു. അതാണ് ഇത്തരത്തില്‍ താഴേക്ക് പതിച്ചിരിക്കുന്നത്.
വളരെ നിരാശജനകമായ പ്രകടനമാണ് കോണ്‍ഗ്രസ് ബിഹാറില്‍ പുറത്തെടുത്തത്. കോണ്‍ഗ്രസ് വര്‍ക്കിങ് കമ്മിറ്റി ചേര്‍ന്ന് ഇതുസംബന്ധിച്ച് ചര്‍ച്ച നടത്തേണ്ടതാണ്. മോശം പ്രകടനം വിലയിരുത്താന്‍ ഉടന്‍ പാര്‍ട്ടി ഉടന്‍ യോഗം വിളിച്ചു ചേര്‍ക്കണം.
2005 മുതല്‍ നിതീഷ് കുമാര്‍ ബിഹാര്‍ മുഖ്യമന്ത്രിയാണ്. 2014 മുതല്‍ മോദി രാജ്യത്തെ പ്രധാനമന്ത്രിയും. നിയമസഭാ തെരഞ്ഞെടുപ്പില്‍ ഇത് മുതലാക്കി ജനങ്ങളില്‍ കോണ്‍ഗ്രസ് അനുകൂല നിലപാട് ഉണ്ടാക്കിയെടുക്കാന്‍ പാര്‍ട്ടിക്ക് സാധിച്ചിട്ടില്ലെന്നും പി. ചിദംബരം കുറ്റപ്പെടുത്തി.
പ്രതികരിക്കാൻ ഇവിടെ എഴുതുക: