തിരുവനന്തപുരം : കള്ളപ്പണ കേസില്‍ സ്വപ്ന സുരേഷിനെ എന്‍ഫോഴ്‌സ്‌മെന്റ് വീണ്ടും ചോദ്യം ചെയ്യുന്നു. തിരുവനന്തപുരം വിമാനത്താവളത്തില്‍ ഡിപ്ലോമാറ്റിക് ബാഗേജ് വഴി പാഴ്‌സല്‍ വന്നതുമായി ബന്ധപ്പെട്ട് മന്ത്രി കെ.ടി. ജലീലിനെ കൊച്ചിയിലെ ഓഫീസില്‍ വിളിച്ചുവരുത്തി എന്‍ഫോഴ്‌സ്‌മെന്റ് ചോദ്യം ചെയ്തിരുന്നു. അതിനു പിന്നാലെയാണ് സ്വപ്‌നയേയും ചോദ്യം ചെയ്യുന്നത്.
മന്ത്രി ജലീല്‍ നല്കിയ മൊഴിയില്‍ കൂടുതല്‍ വ്യക്തത വരുത്തുന്നതിനായാണ് സ്വപ്നയെ വീണ്ടും ചോദ്യം ചെയ്യുന്നത്. സ്വപ്നയെ പാര്‍പ്പിച്ചിരിക്കുന്ന അട്ടക്കുളങ്ങരയിലെ ജയിലിലെത്തിയാണ് ചോദ്യം ചെയ്യല്‍.
സ്വര്‍ണക്കടത്ത് കേസില്‍ കൊഫെപോസെ നിയമം ചുമത്തിയതോടെയാണ് കാക്കനാടു നിന്നും സ്വപ്നയെ അട്ടക്കുളങ്ങരയിലേക്ക് മാറ്റിയത്. കേസിലെ മറ്റൊരു പ്രതിയായ സന്ദീപ് നായരേയും തിരുവനന്തപുരം സെന്‍ട്രല്‍ ജയിലിലേക്ക് മാറ്റിയിട്ടുണ്ട്.
പ്രതികരിക്കാൻ ഇവിടെ എഴുതുക: