മേടക്കൂറ്: അശ്വതി, ഭരണി, കാര്‍ത്തിക (1/4)
ജനസ്വാധീനം വര്‍ധിക്കും. ഭാഗ്യ പരീക്ഷണങ്ങളില്‍ പങ്കാളിയാവും. ദാമ്പത്യ ജീവിതത്തില്‍ അപസ്വരങ്ങള്‍ വന്നുചേരും. അന്യദേശ സഞ്ചാരത്തിന് അവസരം സിദ്ധിക്കും.
ഇടവക്കൂറ്: കാര്‍ത്തിക (3/4), രോഹിണി,
മകയിരം (1/2)
കമിതാക്കള്‍ക്ക് മംഗല്യയോഗമുണ്ട്. ചിരകാല പ്രതീക്ഷകള്‍ പലതും പൂര്‍ത്തീകരിക്കും. സന്താനങ്ങളുടെ ഉന്നത വിദ്യാഭ്യാസത്തിനായി കൂടുതല്‍ ധനം വിനിയോഗിക്കും. സര്‍ക്കാര്‍ ജീവനക്കാര്‍ക്ക് അപ്രതീക്ഷിത സ്ഥാനമാനങ്ങള്‍ വന്നുചേരും.
മിഥുനക്കൂറ്: മകയിരം (1/2), തിരുവാതിര,
പുണര്‍തം (3/4)
ഭൂസ്വത്തുക്കള്‍ ക്രയവിക്രയം ചെയ്യാന്‍ അവസരം സിദ്ധിക്കും. ആരോഗ്യപരമായ അലട്ടലുകളില്‍നിന്നും മുക്തി നേടും. നൂതന വാഹനങ്ങള്‍ സ്വായത്തമാക്കും. കമിതാക്കള്‍ക്ക് മംഗല്യ യോഗമുണ്ട്.
കര്‍ക്കടകക്കൂറ്: പുണര്‍തം(1/4), പൂയം, ആയില്യം
സ്ഥാവര ജംഗമാദികളുടെ ക്രയവിക്രയത്തിന് അവസരം ലഭ്യമാവും. പൂര്‍വിക സ്വത്തുക്കള്‍ പലതും അനുഭവത്തില്‍ വന്നുചേരും. സന്താനങ്ങള്‍ ഉന്നതിയെ പ്രാപിക്കും. ഭാഗ്യ പരീക്ഷണങ്ങളില്‍ വിജയം സിദ്ധിക്കും.
ചിങ്ങക്കൂറ്: മകം, പൂരം, ഉത്രം(1/4)
ദൃശ്യമാധ്യമരംഗങ്ങളില്‍ പ്രവര്‍ത്തിക്കുന്നവര്‍ക്ക് കൂടുതല്‍ മികവു പ്രകടിപ്പിക്കാന്‍ അവസരമുണ്ട്. ഭാഗ്യപരമായ പല അനുഭവങ്ങളും ഈ വാരം സിദ്ധിക്കും. കുടുംബ ബന്ധങ്ങളില്‍ കൂടുതല്‍ ദൃഢത അനുഭവത്തില്‍ വരും സന്താന ജന്മംകൊണ്ട് ഗൃഹം ധന്യമാവും.
കന്നിക്കൂറ്: ഉത്രം (3/4), അത്തം, ചിത്തിര(1/2)
സ്വയം കൃതാനര്‍ത്ഥങ്ങള്‍ക്ക് ശമനമുണ്ടാവും. വൈദേശികമായ ഒരു യാത്ര അനിവാര്യമായി വരും. വ്യവഹാരങ്ങളില്‍ വിജയം സിദ്ധിക്കും. സാമൂഹികമായി സത്കീര്‍ത്തിയും പൊതുജന സഹകരണങ്ങളും ലഭ്യമാവും.
തുലാക്കൂറ്: ചിത്തിര(1/2), ചോതി, വിശാഖം (3/4)
സ്‌നേഹ ബന്ധങ്ങളില്‍നിന്നും അപ്രതീക്ഷിത ഗുണാനുഭവങ്ങള്‍ വന്നുചേരും. ഉദര സംബന്ധമായ രോഗ സാധ്യതയുണ്ട്. വിവാഹ തീരുമാനങ്ങള്‍ പൂര്‍ത്തീകരിക്കപ്പെടും. പുതിയ സംരംഭങ്ങളില്‍ നേതൃപദവിയില്‍ എത്തിച്ചേരും.
വൃശ്ചികക്കൂറ്: വിശാഖം(1/4), അനിഴം, തൃക്കേട്ട
വിനോദ വിദേശയാത്രയ്‌ക്ക് അവസരമുണ്ട്. സര്‍ക്കാര്‍ സംബന്ധമായ പല ആനുകൂല്യങ്ങളും സ്വായത്തമാവും. വൈവാഹിക കാര്യങ്ങളില്‍ പെട്ടെന്ന് തീരുമാനമാവും.
ധനുക്കൂറ്: മൂലം, പൂരാടം, ഉത്രാടം(1/4)
നൂതന സൗഹൃദങ്ങള്‍ വന്നുചേരും. ആരോഗ്യപരമായി കൂടുതല്‍ ശ്രദ്ധ ആവശ്യമായി വന്നേക്കാം. ധനപരമായ വിഷയങ്ങളില്‍ കൂടുതല്‍ ശ്രദ്ധ ആവശ്യമുണ്ട്. യാത്രാ വേളകള്‍ ധനനഷ്ടത്തിന് കാരണമാവും.
മകരക്കൂറ്: ഉത്രാടം(3/4), തിരുവോണം, അവിട്ടം (1/2)
ഔദ്യോഗിക ജീവിതത്തില്‍ കഠിനാധ്വാനം വേണ്ടിവരും. അധിക ആത്മവിശ്വാസം മൂലം കടബാധ്യതകള്‍ വലിച്ചുവയ്‌ക്കും. കുടുംബ ജീവിതത്തില്‍ അപസ്വരങ്ങള്‍ക്ക് സാധ്യത.
കുംഭക്കൂറ്: അവിട്ടം(1/2), ചതയം, പൂരുരുട്ടാതി(3/4)
പുതിയ സംരംഭങ്ങള്‍ക്ക് വിജയ സാധ്യത കാണുന്നു. ഉദ്യോഗങ്ങള്‍ക്കായുള്ള പരിശ്രമങ്ങളില്‍ വിജയിക്കും. വാഹനയോഗമുണ്ട്.
മീനക്കൂറ്: പൂരുരുട്ടാതി(1/4), ഉതൃട്ടാതി, രേവതി
അപ്രതീക്ഷിതമായ സ്ഥാനയോഗമുണ്ട്. ആരോഗ്യസ്ഥിതിയില്‍ ആശങ്കയുണ്ടാവും. വ്യാവസായിക രംഗത്ത് തൊഴില്‍ കുഴപ്പങ്ങള്‍ക്ക് സാധ്യതയുണ്ട്. രക്ഷാസ്ഥാനം കണ്ടെത്തും.
പ്രതികരിക്കാൻ ഇവിടെ എഴുതുക: