കാസര്ഗോഡ്: കോടികളുടെ ഫാഷന് ഗോള്ഡ് ജ്വല്ലറി നിക്ഷേപത്തട്ടിപ്പ് കേസില് മുസ്ലീം ലീഗ് എംഎല്എ അറസ്റ്റില്. മഞ്ചേശ്വരം എം.എല്.എ എംസി ഖമറുദ്ദീനെയാണ് പോലീസ് അറസ്റ്റ് ചെയ്തിരിക്കുന്നത്.
കമറുദ്ദീനെതിരേ നിരവധി തെളിവ് ലഭിച്ചുവെന്ന് അന്വേഷണ ഉദ്യോഗസ്ഥന് എഎസ്പി പി. വിവേക് കുമാര് മാധ്യമങ്ങളോടു നേരത്തേ പറഞ്ഞിരുന്നു. 15 കോടിയുടെ തട്ടിപ്പ് നടന്നെന്ന് അദ്ദേഹം വ്യക്തമാക്കി.
ഫാഷന് ഗോള്ഡ് തട്ടിപ്പുമായി ബന്ധപ്പെട്ട് രജിസ്റ്റര് ചെയ്ത 109 വഞ്ചനാ കേസുകളില് പ്രതിയാണ് കമറുദ്ദീന്. അതേസമയം, ഫാഷന് ഗോള്ഡ് ചെയര്മാന് പൂക്കോയ തങ്ങളെയും ഇന്ന് അറസ്റ്റ് ചെയ്തേക്കുമെന്ന് സൂചനയുണ്ട്. ശനിയാഴ്ച രാവിലെ ജില്ലാ പോലീസ് പരിശീലന കേന്ദ്രത്തില് വച്ചാണ് കമറുദ്ദീനെ ചോദ്യം ചെയ്തത്.
