തിരുവനന്തപുരം: ദേശീയ അന്വേഷണ ഏജന്‍സികളുടെ അന്വേഷണം ശരിയായ ദിശയിലായതോടെ മുഖ്യമന്ത്രിയുടെ തനിനിറം പുറത്തായെന്നും അതാണ് വാര്‍ത്താസമ്മേളനത്തിലെ അദ്ദേഹത്തിന്റെ വെപ്രാളം കാണിക്കുന്നതെന്നും ബി.ജെ.പി സംസ്ഥാന അദ്ധ്യക്ഷന്‍ കെ.സുരേന്ദ്രന്‍.
താന്‍ പറഞ്ഞത് അനുസരിച്ചാണ് ദേശീയ അന്വേഷണ ഏജന്‍സികള്‍ കേരളത്തിലെത്തിയതെന്ന് അവകാശപ്പെട്ട മുഖ്യമന്ത്രി അന്വേഷണത്തിന്റെ മുന തന്റെ നേരെ തിരിഞ്ഞതോടെയാണ് അസ്വസ്ഥനാകുന്നതെന്നും അദ്ദേഹം പ്രസ്താവനയില്‍ പറഞ്ഞു.
ആദ്യം അന്വേഷണത്തെ സ്വാഗതം ചെയ്യുകയും പിന്നീട് ചില ഉദ്യോഗസ്ഥരെ സ്വാധീനിക്കാന്‍ ശ്രമിക്കുകയും ചെയ്ത മുഖ്യമന്ത്രി ഇപ്പോള്‍ നേരിട്ട് ഇറങ്ങി അന്വേഷണ ഉദ്യോഗസ്ഥരെ ഭീഷണിപ്പെടുത്തുകയാണ്. അന്വേഷണം പുരോഗമിക്കുമ്പോള്‍ മുഖ്യമന്ത്രിയുടെ സ്വഭാവം മാറുമെന്ന് ബി.ജെ.പി നേരത്തെ തന്നെ പറഞ്ഞിരുന്നു. അന്വേഷണം കേരളത്തിനെതിരല്ല മറിച്ച് അഴിമതിക്കാരായ മുഖ്യമന്ത്രിക്കും സംഘത്തിലേക്കാണ് പോവുന്നത്. സംസ്ഥാനത്തിന് അപമാനമുണ്ടാക്കിയ മുഖ്യമന്ത്രി ഉടന്‍ രാജിവെക്കണമെന്നും സുരേന്ദ്രന്‍ ആവശ്യപ്പെട്ടു
പ്രതികരിക്കാൻ ഇവിടെ എഴുതുക: