മുട്ടം: മലങ്കര തുരുത്തേല്‍ പാലത്തിന്റെ വളവിന് സമീപം വാഹനങ്ങള്‍ കൂട്ടിയിടിച്ച് ഒരാള്‍ക്ക് പരിക്ക്. ഇന്നലെ വൈകിട്ട് 4നാണ് അപകടം. അപകടത്തില്‍ സാരമായ പരിക്ക് പറ്റിയ തുടങ്ങനാട് പനച്ചിനാനിക്കല്‍ സണ്ണി(57) യെ തൊടുപുഴയിലുള്ള സ്വകാര്യ ആശുപത്രിയില്‍ പ്രവേശിപ്പിച്ചു.
മുട്ടം സ്വദേശികളായ യുവാക്കള്‍ സഞ്ചരിച്ചിരുന്ന കാര്‍ നിയന്ത്രണം വിട്ട് റോഡിന് സമീപമുള്ള തിട്ടയില്‍ ഇടിച്ച് വട്ടം കറങ്ങി.ഇതിനിടയില്‍ ഇത് വഴി വന്ന സണ്ണിയുടെ സ്‌കൂട്ടറില്‍ കാര്‍ ഇടിച്ച് സണ്ണി കാറിന്റെ മുന്നിലെ ഗ്ലാസിലേക്ക് തെറിച്ച് വീണു.
മുട്ടം പോലീസ് സ്ഥലത്തെത്തി. സിവില്‍ പോലീസ് ഉദ്യോഗസ്ഥരായ മുഹമ്മദാലി, സന്തോഷ്, ശ്യാം, ജോസ് മോട്ടോര്‍ വാഹന ഉദ്യോഗസ്ഥരായ അജയന്‍ ടി.ജെ, അജിത്കുമാര്‍ ബി, രാംദേവ് പി.ആര്‍. എന്നിവര്‍ ഗതാഗത കുരുക്ക് പരിഹരിച്ചു. തൊടുപുഴ അഗ്നിരക്ഷസേന എത്തി റോഡ് വൃത്തിയാക്കി.
പ്രതികരിക്കാൻ ഇവിടെ എഴുതുക: