ശാന്തന്പാറ: പന്തടിക്കളത്ത് വയോധികയുടെ വീടിനുനേര്ക്ക് 15 അംഗ ഗുണ്ടാസംഘത്തിന്റെ ആക്രമണം. വീടും, വീട്ടുപകരണങ്ങളും തകര്ത്തു. ജലീന മേരി ഗില്ബര്ട്ടിന്റെ വീടിന് നേരെയാണ് ആക്രമണമുണ്ടായത്.
അക്രമിസംഘത്തില് ഉള്പ്പെട്ട 4 പേരെ ശാന്തന്പാറ പോലീസ് അറസ്റ്റ് ചെയ്തു. രാജാക്കാട്, ശാന്തന്പാറ സ്വദേശികളായ ആദര്ശ്, ജോസഫ്, വിജയന്, അസീം എന്നിവരാണ് പിടിയിലായത്. ശനിയാഴ്ച്ച ഉച്ചകഴിഞ്ഞ് ആണ് ആക്രമണം ഉണ്ടായത്. വിജയന്റെ നേതൃത്വത്തില് എത്തിയ സംഘം ജലീനയുടെ വീട് ആക്രമിക്കുകയും, വീട്ടുപകരണങ്ങളും, അടുക്കള ഉപകരണങ്ങളും, വാട്ടര് ടാങ്കും ഉള്പ്പെടെയുള്ള വസ്തുക്കള് അടിച്ചും, കല്ലെറിഞ്ഞും തകര്ക്കുകയായിരുന്നു.
ആക്രമണം നടന്നപ്പോള് ജലീനയും, അഞ്ച് വയസുള്ള പേരക്കുട്ടിയും മാത്രമാണ് വീട്ടില് ഉണ്ടായിരുന്നത്. കുട്ടിയെയും എടുത്തുകൊണ്ട് ഇവര് പുറത്തേയ്ക്ക് ഓടിരക്ഷപെട്ടു, തുടര്ന്ന് ഫോണില് ബന്ധുക്കളെ വിവരമറിയിച്ചു. ഇവര് അറിയിച്ചത് പ്രകാരമാമ് ശാന്തന്പാറ പോലീസ് സംഭവ സ്ഥലത്തെത്തയത്. സ്ഥലത്തെച്ചൊല്ലിയുള്ള തര്ക്കമാണ് ആക്രമണത്തില് കലാശിച്ചതെന്ന് കരുതുന്നു. അറസ്റ്റിലായ പ്രതികളെ കോടതിയില് ഹാജരാക്കി റിമാന്ഡ് ചെയ്തു.
ബാക്കിയുള്ള പ്രതികള്ക്കായി അന്വേഷണം പോലീസ് ഊര്ജിതമാക്കി. പോലീസിനെ തടയാന് ശ്രമിച്ചതിനും വീട് അടിച്ച് തകര്ത്തതിനുമാണ് കേസെടുത്തിരിക്കുന്നത്. അതേ സമയം ഇവരുടെ പണവും സ്വര്ണ്ണവും മോഷ്ടിച്ചെന്ന പ്രചാരണം തെറ്റാണെന്നും പോലീസ് അറിയിച്ചു.
