ഷാര്ജ: മുന് ചാമ്പ്യന്മാരായ ചെന്നൈ സൂപ്പര് കിങ്സ് ഐപിഎല്ലില് ഇന്ന് നിലവിലെ ചാമ്പ്യന്മാരായ മുംബൈ ഇന്ത്യന്സിനെ നേരിടും. മത്സരിച്ചപ്പോഴൊക്കെ ഐപിഎല്ലിന്റെ നോക്കൗട്ടില് സ്ഥാനം പിടിച്ച ചെന്നൈയ്ക്ക് ഇന്നത്തെ മത്സരം നിര്ണായകമാണ്. തോറ്റാല് പണി പാളും. ധോണിയും സംഘവും നോക്കൗട്ട് കാണാതെ പുറത്താകും.
ഈ സീസണിലെ ഉദ്ഘാടന മത്സരത്തില് ചെന്നൈ മുംബൈയെ തോല്പ്പിച്ചിരുന്നു. അതിനുശേഷം ധോണിയുടെ ടീം തകര്ന്നു. പത്ത് മത്സരങ്ങളില് ആറു പോയിന്റുള്ള ചെന്നൈ ഏറ്റവും പിന്നിലാണ്.. ഇനിയുള്ള എല്ലാ മത്സരങ്ങളും വിജയിച്ചാലേ ചെന്നൈയ്ക്ക് പ്ലേ ഓഫ് പ്രതീക്ഷ നിലനിര്ത്താനാകൂ.
ബാറ്റിങ്ങിലും ബൗളിങ്ങിലുമൊക്കെ നിരന്തരം പരാജയപ്പെടുന്ന ധോണിയുടെ ടീമിന് ഇന്ന് മുംബൈയെ വീഴ്ത്താന് കഷ്ടപ്പെടേണ്ടിവരും. രോഹിത് ശര്മ നയിക്കുന്ന മുംബൈ ഇന്ത്യന്സ് മികച്ച ഫോമിലാണ്. ഒമ്പത് മത്സരങ്ങളില് 12 പോയിന്റുള്ള അവര് മൂന്നാം സ്ഥാനത്താണ്.
ജന്മഭൂമി ഓണ്ലൈന്