കൊച്ചി: ദീപാവലി പതിപ്പായി ഓപ്പോ എഫ്17 പ്രോ അവതരിപ്പിച്ചു. ഇന്ത്യന്‍ ഉപഭോക്താക്കള്‍ക്കു വേണ്ടി പ്രത്യേകം രൂപകല്‍പ്പന ചെയ്യുകയും പ്രകാശത്തിന്റെ ഉല്‍സവത്തില്‍ നിന്നും പ്രചോദനം ഉള്‍ക്കൊണ്ടുമാണ് ഒപ്പോ പുതിയ ദീപാവലി എഡിഷന്‍ എഫ്17 പ്രോ സ്മാര്‍ട്ട്ഫോണ്‍ അവതരിപ്പിച്ചിരിക്കുന്നത്.
ദീപാവലിയുടെ ആവേശം മുഴുവന്‍ പ്രതിഫലിക്കുന്നതാണ് എഫ്17 പ്രോ. ബാക്ക് പാനലിലെ വര്‍ണങ്ങള്‍ ഹാന്‍ഡ്സെറ്റിന് കാഴ്ചയില്‍ എന്നത്തേതിലും മെലിഞ്ഞ ലുക്ക് നല്‍കുന്നു. ഉല്‍സവത്തിന്റെ തീമില്‍ നിന്നും പ്രചോദനം ഉള്‍ക്കൊണ്ട് ഗോള്‍ഡ്, ഗ്രീന്‍, ബ്ലൂ നിറങ്ങളിലാണ് മാറ്റ് പ്രതലം. മൂന്ന് നിറങ്ങളിലാണ് സ്മാര്‍ട്ട്ഫോണ്‍ എത്തുന്നത്.
ദീപാവലി പതിപ്പിനായി പ്രത്യേക ഗിഫ്റ്റ് ബോക്സും ഒപ്പോ സൃഷ്ടിച്ചിട്ടുണ്ട്. ഇന്ത്യന്‍ ഉപഭോക്താക്കള്‍ക്ക് ദീപാവലി എഡിഷന്‍ എഫ്17 പ്രോയോടൊപ്പം ബോക്സില്‍ 10,000എംഎഎച്ച് ഒപ്പോ പവര്‍ ബാങ്ക്, തിളങ്ങുന്ന ബാക്ക് കവര്‍ തുടങ്ങിയവയുമുണ്ട്. എഫ്17 പ്രോ ഓണ്‍ലൈനായും ഓഫ്ലൈനായും 23,990 രൂപയ്‌ക്കു ലഭ്യമാകും.
പ്രതികരിക്കാൻ ഇവിടെ എഴുതുക: