കോഴിക്കോട്: കോഴിക്കോട് നോര്‍ത്ത് മണ്ഡലത്തിലെ എല്ലാ സ്‌കൂളുകളും ഹൈടെക്ക് എന്ന എ. പ്രദീപ്കുമാര്‍ എംഎല്‍എയുടെ പ്രചരണത്തിനെതിരെ ബിജെപി സംഘടിപ്പിക്കുന്ന ഞങ്ങള്‍ക്കും ഹൈടെക്ക് ആവണം ക്യാമ്പയിന് തുടക്കം. പൊട്ടിപൊളിഞ്ഞ് ശോച്യാവസ്ഥയിലായ, എംഎല്എ വോട്ട് ചെയ്യുന്ന വെസ്റ്റ്ഹില്‍ ചുങ്കം ഗവ.യുപി സ്‌കൂളില്‍ നിന്നാണ് ബിജെപി നോര്‍ത്ത് നിയോജക മണ്ഡലം സംഘടിപ്പിക്കുന്ന ക്യാമ്പയിന് തുടക്കമായത്.
യുവമോര്‍ച്ച സംസ്ഥാന മഹിള കോ-ഓര്‍ഡിനേറ്റര്‍ അഡ്വ.എന്‍.പി. ശിഖ ഉദ്ഘാടനം ചെയ്തു. സ്വന്തം വീടിന് മുന്നിലെ ഗവ.യുപി സ്‌കൂളിനായി ഒരു രൂപ പോലും എംഎല്എ ചെലവഴിച്ചിട്ടില്ലെന്ന് ബിജെപി ആരോപിച്ചു. എല്ലാ സ്‌കൂളും ഹൈടെക്ക് എന്ന് പറയുന്ന എംഎല്എ ഈ സ്‌കൂളിന്റെ ശോച്യാവസ്ഥയുടെ ഉത്തരവാദിത്വവും ഏറ്റെടുക്കണമെന്ന് ബിജെപി ആവശ്യപ്പെട്ടു.
നോര്‍ത്ത് നിയോജക മണ്ഡലം പ്രസിഡണ്ട് കെ. ഷൈബു അദ്ധ്യക്ഷനായി. മണ്ഡലം ജനറല്‍ സെക്രട്ടറി പി. രജിത്കുമാര്‍, എന്‍.പി. പ്രകാശന്‍, ജിഷ ഷിജു, ആര്‍. റാണി, ടി. ഷിജു എന്നിവര്‍ സംസാരിച്ചു. മണ്ഡലത്തിലെ വിവിധ സ്‌കൂളുകള്‍ക്ക് മുന്നില്‍ ക്യാമ്പയിന് തുടരും.ബിജെപി സംസ്ഥാന നേതാക്കള്‍ ശോച്യാവസ്ഥയിലായതും അടച്ചുപൂട്ടിയതുമായ സ്‌കൂളുകള്‍ സന്ദര്‍ശിക്കും.
പ്രതികരിക്കാൻ ഇവിടെ എഴുതുക: