യുഡിഎഫ് ബന്ധം ഉപേക്ഷിച്ച് കേരള കോണ്‍ഗ്രസ്-എമ്മിലെ ജോസ് കെ. മാണി വിഭാഗത്തിന്റെ ഇടതുമുന്നണി പ്രവേശനത്തെ പരിഹസിച്ച് അഡ്വ. ജയശങ്കര്‍ രംഗത്ത്. ബാര്‍ കോഴ ആരോപണം ഉയര്‍ന്നു വന്ന സമയത്ത് കെ.എം. മാണിക്ക് 500 രൂപ മണിയോര്‍ഡര്‍ അയയ്‌ക്കുന്ന പരിഹാസ ക്യാംപെയ്‌ന് തുടക്കം കുറിച്ച സിപിമ്മുകാരനായ സിനിമ സംവിധായകന്‍ ആഷിഖ് അബുവിനെ ട്രോളിയാണ് ജയശങ്കര്‍ രംഗത്തെത്തിയത്. മുടിയനായ ജോമോനെ സ്വീകരിക്കാന്‍ മാര്ക്സിസ്റ്റ് പാര്‍ട്ടി പണ്ടേ തയ്യാറാണ്. സിപിഐയും എന്‍സിപിയും എന്തു പറഞ്ഞാലും ഫലിച്ചെന്നു വരില്ലെന്ന് ജയശങ്കര്‍ ഫേസ്ബുക്കില്‍ കുറിച്ചു.
പോസ്റ്റിന്‍രെ പൂര്‍ണരൂപം-
അങ്ങനെ ജോസ് കെ മാണി രാജ്യസഭാംഗത്വം രാജിവെച്ചു രാഷ്‌ട്രീയ ധാര്‍മികത തെളിയിക്കാനും അനന്തരം ഇടതുപക്ഷ ജനാധിപത്യ മുന്നണിയെ ശക്തിപ്പെടുത്താനും തീരുമാനിച്ചു. മുടിയനായ ജോമോനെ സ്വീകരിക്കാന്‍ മാര്ക്സിസ്റ്റ് പാര്‍ട്ടി പണ്ടേ തയ്യാറാണ്. സിപിഐയും എന്‍സിപിയും എന്തു പറഞ്ഞാലും ഫലിച്ചെന്നു വരില്ല. അവശേഷിക്കുന്ന ചോദ്യം ഒന്നു മാത്രം: ആഷിഖ് അബു ഇനി എന്തുചെയ്യും?
പ്രതികരിക്കാൻ ഇവിടെ എഴുതുക: