തൃശൂര്: നാട്ടിക പഞ്ചായത്തില് കോണ്ഗ്രസ് പ്രവര്ത്തകര് ബിജെപിയില് ചേര്ന്നു. കോണ്ഗ്രസ് ബന്ധം ഉപേക്ഷിച്ചെത്തിയവരെ ബിജെപി ജില്ലാ പ്രസിഡന്റ് അഡ്വ.കെ. കെ അനീഷ്കുമാര് ഷാളണിയിച്ച് സ്വീകരിച്ചു. പ്രദേശത്തെ കോണ്ഗ്രസ്സ് നേതാവിന്റെ നേതൃത്വത്തില് പുഴയോരത്ത് അനധികൃതമായി മൂന്നു നില കെട്ടിടം പണിത് സ്വകാര്യ കോളേജ് നടത്തുന്നതിന് നാട്ടിക ഗ്രാമ പഞ്ചായത്തും പഞ്ചായത്ത് പ്രസിഡന്റും ഒത്താശ ചെയ്യുന്നതില് പ്രതിഷേധിച്ചാണ് കോണ്ഗ്രസ് വിട്ടതെന്ന് പ്രവര്ത്തകര് പറയുന്നു.
പ്രേംചന്ദ് പാനേഴത്ത്, രാജേഷ് പായക്കാട്ട്, സുകുമാരന് നായര്, മദനന്, ഉണ്ണികൃഷ്ണന്, എന്നിവരുടെ നേതൃത്വത്തിലാണ് പ്രവര്ത്തകര് ബിജെപിയില് ചേര്ന്നത്. നിയോജക മണ്ഡലം പ്രസിഡന്റ് ഇ.പി ഹരീഷ് മാസ്റ്റര്, എ.കെ ചന്ദ്രശേഖരന്, ലാല് ഊണുങ്ങല്, ഭഗീഷ് പൂരാടന്, ഷാജി പുളിക്കല്, രാജേഷ് കാരയില്, സെന്തില്കുമാര് എന്നിവരും പങ്കെടുത്തു.
