കൊച്ചി : പണം തട്ടിപ്പുകേസില് പോപ്പുലര് ഫിനാന്സ് ഉടമകളുടെ ആസ്തികള് മരവിപ്പിച്ച് എന്ഫോഴ്സ്മെന്റ് ഡയറക്ടറേറ്റ്. ഇതുസംബന്ധിച്ച് ബാങ്കുകാര്ക്കും രജിസ്ട്രാറിനും എന്ഫോഴ്സ്മെന്റ് കത്ത് നല്കി കഴിഞ്ഞു. കള്ളപ്പണ ചൂതാട്ട നിയമ പ്രകാരമാണ് ഇവര്ക്കെതിരെ നടപടി സ്വീകരിച്ചിരിക്കുന്നത്.
കേസിലെ പ്രതികള് നേരത്തെ സ്വത്തു വകകള് വിദേശത്തേക്ക് കടത്താന് ശ്രമിച്ചിരുന്നു. ഈ സാഹചര്യത്തിലാണ് പോപ്പുലര് ഫിനാന്സ് ഉടമകളുടെ സ്വത്തുവകകള് മരവിപ്പിക്കുന്ന നടപടികളിലേക്ക് എന്ഫോഴ്സ്മെന്റ് കടന്നത്. കൊച്ചിയിലെ എന്ഫോഴ്സ്മെന്റ് സംഘമാണ് ഇതുസംബന്ധിച്ച നടപടികള് ആരംഭിച്ചിരിക്കുന്നത്.
പോപ്പുലര് ഫിനാന്സിന്റെ പേരില് രാജ്യത്തുള്ള എല്ലാ സ്വത്തുക്കള് മരവിപ്പിക്കാനും നടപടികള് ആരംഭിച്ചിട്ടുണ്ട്. കേസിലെ പ്രതികള് നേരത്തെ സ്വത്തു വകകള് വിദേശത്തേക്ക് കടത്താന് ശ്രമിച്ചിരുന്നു. ഈ സാഹചര്യത്തിലാണ് പോപ്പുലര് ഫിനാന്സ് ഉടമകളുടെ സ്വത്തുവകകള് മരവിപ്പിക്കുന്ന നടപടികളിലേക്ക് എന്ഫോഴ്സ്മെന്റ് കടന്നത്.
കേസുമായി ബന്ധപ്പെട്ട് പ്രതികളെ അറസ്റ്റ് ചെയ്യാനുള്ള നീക്കവും എന്ഫോഴ്സ്മെന്റിന്റെ ഭാഗത്ത് നിന്നും ഉണ്ടാകുന്നുണ്ട്. അതേസമയം പോപ്പുലര് ഫിനാന്സിന്റെ തട്ടിപ്പില് പണം നഷ്ടമായവര്ക്ക് സ്വത്തുക്കള് കണ്ടുകെട്ടി ലേലം ചെയ്ത് പണം മടക്കി നല്കുമെന്ന് സംസ്ഥാനവും നേരത്തെ അറിയിച്ചിട്ടുണ്ട്.
