സായി ഗ്രാമത്തിലെ ശ്രീ ഷിർദി  സായിബാബ ക്ഷേത്രത്തിലെ പ്രതിഷ്ഠാ വാർഷികാഘോഷ ചടങ്ങുകൾ സമാപിച്ചു.

തിരുവനന്തപുരം: തോന്നയ്‌ക്കൽ, സായിഗ്രാമത്തിലെ ഭഗവാൻ ശ്രീ ഷിർദ്ദി സായി ബാബ ക്ഷേത്രത്തിന്റെ  പ്രതിഷ്ഠാ വാർഷികം ബഹു. മിസോറാം ഗവർണ്ണർ ശ്രീ. പി.എസ്. ശ്രീധരൻ പിള്ള വീഡിയോ സന്ദേശം വഴി ഉദ്ഘാടനം ചെയ്തു.   സെപ്റ്റംബർ 30 മുതൽ ആരംഭിച്ച പൂജാ കർമങ്ങൾ  ഒക്ടോബർ 2 ന് അവസാനിച്ചു.  കോവിഡ് – 19 മാനദണ് ഡങ്ങൾ അനുസരിച്ചായിരുന്നു ഈ പ്രാവശ്യം പൂജാ ചടങ്ങുകൾ നടത്തിയത്. 

മഹാഗണപതി ഹോമം, പ്രസാദ ശുദ്ധി, വാസ്തു ഹോമം, രാക്ഷോഘ്ന ഹോമം, വാസ്തുബലി, വാസ്തു പുണ്യാഹം,മഹാന്യാസ പുരസരം,രുദ്രയ്കാദശനി ജപം, നവഗ്രഹഹോമം,ശതരുദ്രീയ ഹോമം വസോർധാര ഹോമം,പൂർണ്ണാഹുതി, ഭഗവതിസേവ,,നവകം,കലശപൂജ,നവകാഭിഷേകം ദീപാരാധന. എന്നീ പൂജാ  ചടങ്ങുകളോടെ മൂന്ന് ദിവസം നീണ്ടു നിന്ന സായി ഗ്രാമത്തിലെ ഷിർദി  സായിബാബ ക്ഷേത്രത്തിന്റെ പ്രതിഷ്ഠ ചടങ്ങുകൾ സമാപിച്ചു