മുംബൈ: ബോളിവുഡ് നടന്‍ സുശാന്ത് സിങ് രാജ്പുത്തിന്റെ മരണവുമായി ബന്ധപ്പെട്ട ലഹരി മരുന്ന് കേസില്‍ നടി രകുല്‍ പ്രീത് സിങ്ങിനെ നാര്‍ക്കോട്ടിക്‌സ് കണ്‍ട്രോള്‍ ബ്യൂറോ ഇന്നലെ ചോദ്യം ചെയ്തു.
അഞ്ച് മണിക്കൂര്‍ ചോദ്യം ചെയ്ത ശേഷമാണ് അന്വേഷണ ഏജന്‍സി നടിയെ വിട്ടയച്ചത്. കേസില്‍ ജുഡീഷ്യല്‍ കസ്റ്റഡിയിലുള്ള സുശാന്തിന്റെ മുന്‍ കാമുകി റിയ ചക്രവര്‍ത്തിയുമായി താന്‍ ഡ്രഗ് ചാറ്റുകള്‍ നടത്തിയിട്ടുണ്ടെന്ന് രകുല്‍ പ്രീത് എന്‍സിബിയോട് സമ്മതിച്ചതായാണ് വിവരം. എന്നാല്‍, താനിതുവരെ ലഹരി ഉപയോഗിച്ചിട്ടില്ലെന്നും തനിക്ക് ലഹരി ഇടപാടുകാരുമായി യാതൊരു ബന്ധവുമില്ലെന്നും രകുല്‍ പ്രീത് മൊഴി നല്‍കി.
ദീപിക പദുക്കോണിന്റെ മാനേജര്‍ കരിഷ്മ പ്രകാശിനെയും ഇന്നലെ എന്‍സിബി ചോദ്യം ചെയ്തു. ദീപിക ഇന്ന് മൊഴി നല്‍കാന്‍ ഹാജരാകുമെന്ന് അന്വേഷണ ഉദ്യോഗസ്ഥരെ അറിയിച്ചിട്ടുണ്ട്. നടിമാരായ ശ്രദ്ധ കപൂര്‍, സാറാ അലി ഖാന്‍ എന്നിവര്‍ക്കും നേരിട്ട് ഹാജരാകാന്‍ എന്‍സിബി നോട്ടീസ് അയച്ചു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: