പുനലൂര്‍: പുനലൂര്‍ സ്റ്റേഷനിലെ എഎസ്‌ഐക്ക് കോവിഡ് സ്ഥിരീകരിച്ചതിനെ തുടര്‍ന്ന് സിഐ അടക്കം 12 പോലീസുകാര്‍ ക്വാറന്റൈനില്‍ പ്രവേശിച്ചു. ശൂരനാട് സ്വദേശിയായ എഎസ്‌ഐക്കാണ് ഇന്നലെ രോഗം സ്ഥിരീകരിച്ചത്. ഇത് കണക്കിലെടുത്ത് ഇദ്ദേഹവുമായി സമ്പര്‍ക്കം പുലര്‍ത്തിയെന്ന് സംശയിക്കുന്ന സിഐ ബിനുവര്‍ഗീസിന് പുറമെ എസ്‌ഐ അടക്കമുള്ള 12 പോലീസുകാരാണ് ആരോഗ്യവകുപ്പിന്റെ നിര്‍ദ്ദേശത്തെ തുടര്‍ന്ന് ക്വാറന്റൈനില്‍ പ്രവേശിച്ചത്.
മാതാവിന്റെ തിരുവനന്തപുരത്തെ ചികിത്സ കഴിഞ്ഞു മടങ്ങിയ ശേഷമാണ് എഎസ്‌ഐക്ക് രോഗലക്ഷണങ്ങള്‍ കണ്ടത്. നാലുമാസം മുമ്പ് പുനലൂര്‍ ടൗണിലെ വ്യാപാരിക്ക് രോഗം സ്ഥിരീകരിച്ചതിനെ തുടര്‍ന്ന് സിഐ ഉള്‍പ്പെടെ 16 പോലീസുകാര്‍ രണ്ടാഴ്ചയോളം ക്വാറന്റൈനില്‍ കഴിഞ്ഞിരുന്നു. എഎസ്‌ഐക്ക് കോവിഡ് സ്ഥിരീകരിച്ചതിനെ തുടര്‍ന്ന് പോലീസ് സ്റ്റേഷന്‍ ശുചീകരിച്ച് അണുവിമുക്തമാക്കി. കൂടാതെ പുനലൂര്‍ ഗവ.താലൂക്ക് ആശുപത്രി കെട്ടിടനിര്‍മാണത്തിനെത്തിയ ഏഴ് അന്യസംസ്ഥാന തൊഴിലാളികള്‍ക്കും രോഗം സ്ഥിരീകരിച്ചു.
പ്രതികരിക്കാൻ ഇവിടെ എഴുതുക: