ആലപ്പുഴ: പ്രണയം നടിച്ച് വിവാഹവാഗ്ദാനം നല്‍കി ചൂഷണം ചെയ്തശേഷം പിന്മാറുകയും പെണ്‍കുട്ടികളെ ആത്മഹത്യയിലേക്ക് തള്ളിവിടുകയും ചെയ്യുന്ന സംഭവങ്ങളില്‍ കുറ്റക്കാര്‍ക്ക് തക്ക ശിക്ഷ നല്‍കുന്നതിന് നിയമസംവിധാനത്തില്‍ ആവശ്യമായ ഭേദഗതികള്‍ക്ക് സംസ്ഥാന വനിതാ കമ്മിഷന്‍ സര്‍ക്കാരിനോട് ശുപാര്‍ശ ചെയ്യുമെന്ന് കമ്മിഷന്‍ അംഗം അഡ്വ. എം.എസ്.താര പറഞ്ഞു.
ആറാട്ടുപുഴ പെരുമ്പിള്ളില്‍ വിവാഹവാഗ്ദാനത്തിനുശേഷം യുവാവ് പിന്മാറിയതിനെതുടര്‍ന്ന് ആത്മഹത്യചെയ്ത അര്‍ച്ചനയുടെ രക്ഷിതാക്കളെ സന്ദര്‍ശിച്ച് കമ്മിഷന്‍ അംഗം വിവരങ്ങള്‍ ആരാഞ്ഞു. സംഭവം നടന്ന് ഒരാഴ്ചയായിട്ടും കുറ്റാരോപിതനായ വ്യക്തിയെ ചോദ്യം ചെയ്യാത്തത് ഗുരുതരമായ വീഴ്‌ച്ചയാണെന്നും അടിയന്തരമായി ചോദ്യം ചെയ്ത് അന്വേഷണ നടപടികള്‍ വേഗത്തിലാക്കണമെന്ന് കമ്മിഷന്‍ തൃക്കുന്നപ്പുഴ സിഐക്ക് നിര്‍ദേശം നല്‍കി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: