തളിപ്പറമ്പ്: ജിന്നിനെ ഒഴിപ്പിക്കാനെത്ത പേരില്‍ പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച വ്യാജ സിദ്ധന്‍ പിടിയില്‍. കണ്ണൂര്‍ തളിപ്പറമ്പ് ബദരിയ്യ നഗറില്‍ വാടകയ്‌ക്ക് താമസിച്ചിരുന്ന ഞാറ്റുവയല്‍ ഇബ്രാഹിമാണ്(50) പിടിയിലായത്.
വ്യാഴാഴ്ച രാവിലെയാണ് സംഭവം നടക്കുന്നത്. പെണ്‍കുട്ടിയുടെ അമ്മയുടെ സഹോദരിയുടെ കാലവേദന മാറ്റാനായി സിദ്ധനെന്ന് തെറ്റിദ്ധരിപ്പിച്ചാണ് ഇയാള്‍ വീട്ടിലേക്ക് എത്തിയത്. തുടര്‍ന്ന് പതിനാറ്കാരിയായ പെണ്‍കുട്ടിയുടെ ശരീരത്തില്‍ ജിന്ന് കയറിയിട്ടുണ്ടെന്നും അതിനെ ഒഴിപ്പിച്ചു തരാമെന്നും ഇയാള്‍ അറിയിച്ച് ഇയാള്‍ ലൈംഗികമായി പീഡിപ്പിക്കുകയായിരുന്നു.
സംഭവം പെണ്‍കുട്ടി വീട്ടുകാരെ അറിയിച്ചതോടെ തളിപ്പറമ്പ് പോലീസില്‍ ഇവര്‍ പരാതി നല്‍കുകയായിരുന്നു. പോലീസ് പെണ്‍കുട്ടിയുടെ മൊഴി രേഖപ്പെടുത്തിയിട്ടുണ്ട്. ഇതിന്റെ അടിസ്ഥാനത്തില്‍ ഇബ്രാഹിമിനെ പോലീസ് അറസ്റ്റ് ചെയ്തു. ഇയാളെ വൈദ്യ പരിശോധനയ്‌ക്ക് ശേഷം മജിസ്‌ട്രേറ്റിന് മുന്നില്‍ ഹാജരാക്കി 14 ദിവസത്തേയ്‌ക്ക് റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: