മുംബൈ: ശിവസേനയുടെ ഭീഷണി നിലനില്ക്കുന്ന ബോളിവുഡ് നടി കങ്കണ റണാവത്തിന് മുംബൈയില് പൂര്ണ പിന്തുണയും സുരക്ഷയും നല്കുമെന്ന് കര്ണിസേന. കങ്കണ നടത്തുന്നത് ന്യായത്തിന് വേണ്ടിയുള്ള യുദ്ധമാണ്. അതിനെ പിന്തുണക്കേണ്ടത് ഭാരതത്തിലെ സംഘടനകളുടെ ആവശ്യമാണ്. ശിവസേനയുടെ വെല്ലുവിളി തടുക്കാന് കര്ണിസേനക്കാവുമെന്നും സംഘടനാ നേതാവ് ജീവന് സോളങ്കി പറഞ്ഞു.
കങ്കണയ്ക്ക് പിന്തുണ നല്കി നുറുകണക്കിന് കര്ണി സേന പ്രവര്ത്തകര് വിമാനത്താവളത്തില് എത്തിയിരുന്നു. ശിവസേനക്കാരെക്കാള് കൂടുതല് കര്ണി സേന പ്രവര്ത്തകരാണ് വിമാനത്താവളത്തില് ഉണ്ടായിരുന്നത്.
കങ്കണയുടെ മണികര്ണിക എന്ന ചിത്രം റിലീസ് ആവുന്നതിന് മുമ്പ് തടയുമെന്ന് കര്ണിസേന നേരത്തെ വെല്ലുവിളിച്ചിരുന്നു. എന്നാല്, ഇത് അവഗണിച്ചാണ് സിനിമ കങ്കണ റിലീസ് ചെയ്തത്. ഇതില് തങ്ങള്ക്ക് അതൃപ്തിയുണ്ടെങ്കിലും കങ്കണ ഇപ്പോള് നീതിക്കാണ് യുദ്ധം ചെയ്യുന്നത്. അത് രാജ്യത്തിലെ ഒരോ പൗരനും വേണ്ടിയാണ്. അതിനാലാണ് പിന്തുണയെന്ന് കര്ണിസേന വ്യക്തമാക്കി.
മണികര്ണിക ഫിലിംസിന്റെ മുംബൈയിലെ ഓഫീസിനും തങ്ങള് പിന്തുണ നല്കും. കങ്കണ മുംബൈയില് ഉള്ളടത്തോളം കാര്യം തങ്ങള് സുരക്ഷ നല്കുമെന്നും കര്ണിസേന വ്യക്തമാക്കി.
