ബെംഗളൂരു : മയക്കു മരുന്ന് സംഘവുമായി ബോളീവുഡ് താരം വിവേക് ഒബ്്‌റോയിയുടെ ബന്ധുവിനും പങ്കുള്ളതായി കണ്ടെത്തല്‍. ബന്ധുവായ ആദിത്യയാണ് കേസില്‍ ഉള്‍പ്പെട്ടിരിക്കുന്നത്്. ബെംഗളൂരു മയക്കുമരുന്ന് കേസില്‍ ക്രൈംബ്രാഞ്ചിന്റെ എഫ്‌ഐആറിലാണ് ഇക്കാര്യം വ്യക്തമാക്കുന്നത്.
ഇതില്‍ ആദിത്യയെ കുടാതെ സിനിമ രാഷ്‌ട്രീയ മേഖലകളില്‍ നിന്നുള്ള നിരവധി പ്രമുഖരും ഉണ്ട്. പ്രതിപ്പട്ടികയില്‍ ഉള്‍പ്പെട്ടവരില്‍ ചിലരോട് തിങ്കളാഴ്ച ചോദ്യം ചെയ്യലിന് ഹാജരാകാനും ക്രൈംബ്രാഞ്ച് ആവശ്യപ്പെട്ടിട്ടുണ്ട്. രണ്ട് കന്നട നടിമാരോടും ചോദ്യം ചെയ്യലിന് ഹാജരാകാന്‍ ആവശ്യപ്പെട്ടിട്ടുണ്ട്.
നിലവില്‍ നാര്‍ക്കോട്ടിക്‌സ് കണ്‍ട്രോള്‍ ബ്യൂറോ കൂടി ഇതുമായി ബന്ധപ്പെട്ട് അന്വേഷണം ശക്തമാക്കിയിട്ടുണ്ട്. കന്നട നടി രാഗിണിയെ കഴിഞ്ഞ ദിവസം ചോദ്യം ചെയ്തിരുന്നു. നേരത്തെ അറസ്റ്റിലായ അനൂപ് മുഹമ്മദ്, സീരിയല്‍ നടി അനിഖ, റെജീഷ് രവീന്ദ്രന്‍ എ്ന്നിവെ കേന്ദ്രീകരിച്ച് നടത്തിയ അന്വേഷണങ്ങളാണ് ഇപ്പോള്‍ പ്രമുഖരിലേക്ക് നീണ്ടിരിക്കുന്നത്.
അതേസമയം അനിഖയെ അനൂപിന് പരിചയപ്പെടുത്തിയ ജിംറീന്‍ ആഷിയെ കസ്റ്റഡിയിലെടുത്തിട്ടുണ്ടെന്നും സൂചനകളുണ്ട്. എന്നാല്‍ കേസുമായി ബന്ധപ്പെട്ട് എന്‍സിബി പ്രതികരിച്ചിട്ടില്ല. കൂടാതെ മയക്കു മരുന്ന് കടത്തലുമായി ബന്ധപ്പെട്ട് ഇവര്‍ക്ക് ബന്ധമുണ്ടായിരുന്നതിന്റെ തെളിവുകളും ലഭിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: