തിരുവനന്തപുരം: വയലിനിസ്റ്റ് ബാലഭാസ്കറിന്റെ മരണത്തില് സംഗീതജ്ഞന് സ്റ്റീഫന് ദേവസിയെ സിബിഐ ചോദ്യം ചെയ്യും. ബാലഭാസ്കറിന്റെ അടുത്ത സുഹൃത്തുക്കളില് ഒരാളാണ് സ്റ്റീഫന്. അപകടത്തില് പരിക്കേറ്റ് ആശുപത്രിയില് കഴിയവേ ബാലഭാസ്കറിനെ സ്റ്റീഫന് കാണാനെത്തുകയും ഇരുവരും സംസാരിക്കുകയും ചെയ്തിരുന്നു.
ബാലഭാസ്കറിന്റെ മരണവുമായി ബന്ധപ്പെട്ട ഇപ്പോഴും ദുരൂഹതകള് നിലനില്ക്കുന്നുണ്ട്. ഇതിന്റെ ഭാഗമായാണ് സ്റ്റീഫനേയും ചോദ്യം ചെയ്യുന്നത്. സിബിഐ ഓഫീസിലേക്ക് വിളിച്ചു വരുത്തിയാകും ചോദ്യം ചെയ്യുക. മരണത്തിന് മുമ്പ് ബാലഭാസ്കറുമായി സ്റ്റീഫന് ദേവസി സംസാരിച്ച കാര്യങ്ങള് എന്തൊക്കെയാണെന്നാണ് സിബിഐക്ക് അറിയേണ്ടത്.
