തിരുവനന്തപുരം: കഴിഞ്ഞ ദിവസം കേന്ദ്രസര്‍ക്കാരിനെതിരേ സിപിഎം സംഘടിപ്പിച്ച അഖിലേന്ത്യാ പ്രതിഷേധ വാരത്തിന്റെ ഭാഗമായി ഒരു സിപിഎം പ്രവര്‍ത്തകന്‍ പോസ്റ്റ് ചെയ്ത സത്യഗ്രഹ സമരത്തിന്റെ ചിത്രത്തില്‍ പരിഹാസവുമായി ബിജെപി നേതാവ് ശോഭ കരന്ത്‌ലജെ.
2019-2020 ല്‍ പ്രധാനമന്ത്രി ആവാസ് യോജന വഴി ലഭിച്ച സ്വന്തം വീടിനു മുന്നിലിരുന്ന് സിപിഎം പതാകയുമായി നരേന്ദ്ര മോദി സര്‍ക്കാരിനെതിരേ സമരം ചെയ്യുന്ന സിപിഎമ്മുകാരന്റെ ചിത്രമാണ് ശോഭയുടെ പരിഹാസത്തിന് പാത്രമായത്. വിരോധാഭാസം ആയിരം തവണ മരിച്ചു എന്ന ക്യാപ്ഷനോടെയാണ് ശോഭ ചിത്രം ട്വീറ്റ് ചെയ്തിരിക്കുന്നത്. കേരളത്തില്‍ നിന്നുള്ള സിപിഎമ്മിന്റെ അഭിമാനിയായ പ്രവര്‍ത്തകന്‍ പ്രധാനമന്ത്രി ആവാസ് യോജന വഴി ലഭിച്ച വീടിനു മുന്നിലിരുന്ന് കേന്ദ്രസര്‍ക്കാരിനെതിരേ സമരം ചെയ്യുന്നു. കമ്മികളെ ഗൗരവമായി കാണരുതെന്നും ശോഭ ട്വീറ്റ് ചെയ്തു.
പ്രതികരിക്കാൻ ഇവിടെ എഴുതുക: