കൂത്തുപറമ്പ്: കൂത്തുപറമ്പ് നഗരത്തില് ഇന്നലെ പട്ടാപ്പകല് ഗുണ്ടകള് അഴിഞ്ഞാടി. ഇന്നലെ ഉച്ചയ്ക്കുശേഷം ബല്റാം ആര്ക്കേടില് ക്വാറന്റൈനില്നില് കഴിയുകയായിരുന്ന ഇരിട്ടി സ്വദേശി ബിന്ഷാദിനെ മലപ്പുറത്തു നിന്ന് എത്തിയ ഗുണ്ടാസംഘങ്ങള് കാറില് ബലമായി പിടിച്ചു കയറ്റി കൊണ്ടുപോകാന് ശ്രമിച്ചത് സംഘര്ഷത്തിനിടയാക്കി. 14 ദിവസം ക്വാറന്റൈനില് കഴിഞ്ഞ് ഹോട്ടലില് നിന്ന് ഇറങ്ങുമ്പോഴാണ് തട്ടിക്കൊണ്ടു പോകാനുള്ള ശ്രമം നടന്നത്.
ബിന്ഷാദ് ബഹളം വെച്ചതിനെ തുടര്ന്ന് ഓടികൂടിയ നാട്ടുകാരും അക്രമികളും തമ്മില് സംഘര്ഷമായി. വിവരമറിഞ്ഞ് സ്ഥലത്തെത്തിയ കൂത്തുപറമ്പ് പോലീസ് അക്രമി സംഘത്തില്പ്പെട്ട അഞ്ചു പേരെ കസ്റ്റഡിയിലെടുത്തു. സ്വര്ണ്ണക്കടത്തുമായി ബന്ധപ്പെട്ട ക്വട്ടേഷന് സംഘങ്ങളാണ് കസ്റ്റഡിയിലായത് എന്ന് സൂചനയുണ്ട്. അക്രമികള് ഉപയോഗിച്ച കെഎല് 65 എല് 8423 കാര് പോലീസ് കസ്റ്റഡിയിലെടുത്തു.
സ്വര്ണക്കടത്തുമായി ബന്ധപ്പെട്ട് ഇത്തരം ചെറുതും വലുതുമായ നിരവധി സംഘര്ഷങ്ങള് പ്രദേശത്തു നടക്കുന്നുണ്ട് എന്നാല് ഇത്തരം സംഭവങ്ങളില് പരാതിക്കാര് ഇല്ലാത്തതിനാല് ആരും തന്നെ നിയമ നടപടികള്ക്ക് വിധേയമാകുന്നില്ല.
ജന്മഭൂമി ഓണ്ലൈന്