ഇടുക്കി: കൃത്യമായി മുഖാവരണം ധരിക്കാതെ പൊതു ഇടത്തിലേക്ക് എത്തുന്ന ആയിര കണക്കിന് പേര്‍ക്കെതിരെ പോലീസ് കേസെടുക്കുമ്പോള്‍ ഡിജിപിക്കെതിരെ കേസെടുക്കാന്‍ തയ്യാറാകുമോ?. മുഖ്യമന്ത്രിയും ഗവര്‍ണ്ണറും അടങ്ങുന്ന സംഘത്തിനൊപ്പം മൂന്നാറിലെത്തിയ സംസ്ഥാന പോലീസ് മേധാവി ലോക്‌നാഥ് ബഹ്‌റയാണ് ഇത്തരത്തില്‍ വിവാദത്തില്‍ പെട്ടത്.
ഹെലികോപ്റ്ററില്‍ നിന്ന് പുറത്തിറങ്ങിയ മുഖ്യമന്ത്രി പിണറായി വിജയനൊപ്പം കൃത്യമായി മുഖം മറക്കാതെ നില്‍ക്കുന്നതാണ് ചിത്രം. മന്ത്രി എം.എം. മണി, ജില്ലാ കളക്ടര്‍ എച്ച്. ദിനോശന്‍, ജില്ലാ പോലീസ് മേധാവി കറുപ്പസ്വാമി തുടങ്ങിയവരുടെ ചിത്രത്തില്‍ സമീപത്ത് നില്‍പ്പുണ്ട്.
പൊതുജനങ്ങള്‍ക്ക് മാതൃകയാകേണ്ട മുതിര്‍ന്ന ഉദ്യോഗസ്ഥര്‍ പോലും ഇത്തരം കാര്യങ്ങള്‍ നിസാരമായാണ് കാണുന്നതെന്ന വിമര്‍ശനം ശക്തമാകുകയാണ്. കൊറോണ വ്യാപനം തടയുന്നതിന്റെ പേരില്‍ വലിയ തോതില്‍ പോലീസ് ജനങ്ങളെ ബുദ്ധിമുട്ടിക്കുമ്പോഴാണ് ഇത്തരമൊരു കാഴ്ച ശ്രദ്ധേയമാകുന്നത്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: