വര്ക്കല: തലയില് ചൂടാന് പൂവ് പറിച്ചതിന് ദളിത് യുവതിയെ സിപിഎം നേതാവ് മര്ദിച്ചു. ചെമ്മരുതി പഞ്ചായത്തിലെ പതിനെട്ടാം വാര്ഡിലാണ് ദളിത് യുവതിയെ ചെരുപ്പ് കൊണ്ട് അടിക്കുകയും ജാതി വിളിച്ച് അധിക്ഷേപിക്കുകയും ചെയ്തത്.
സിപിഎം ചെമ്മരുതി ലോക്കല് കമ്മറ്റിയംഗം ജോയ് ആണ് യുവതിയെ ചെരുപ്പ് ഊരി അടിച്ചത്. പ്രതിയുടെ പേരില് യുവതി പോലീസില് പരാതി നല്കിയിട്ടും നാളിതുവരെ നടപടികളൊന്നും ഉണ്ടായിട്ടില്ല. സ്ത്രീ ശാക്തീകരണത്തിന്റെ പേരില് സര്ക്കാര് ഖജനാവില് നിന്ന് 50 കോടി രൂപ മുടക്കി വനിതാമതില് പണിഞ്ഞ സിപിഎം നേതാക്കളുടെ തനിരൂപമാണ് ജോയി എന്ന നേതാവില് കണ്ടതെന്ന് എസ്സി മോര്ച്ച ആരോപിച്ചു.
കേവലം ഒരു പൂവ് പറിച്ചതിന്റെ പേരില് ദളിത് യുവതിയെ ചെറുപ്പ് ഉപയോഗിച്ച് മര്ദിച്ച സിപിഎം പ്രവര്ത്തനെ നിയമത്തിന്റെ മുന്നില് കൊണ്ടുവരണമെന്ന് ബിജെപി പഞ്ചായത്ത് സമിതി ആവശ്യപ്പെട്ടു.
