തൃശൂര്: പൂര്വസൈനിക സേവാപരിഷത്ത് തൃശൂര് ജില്ലാകമ്മിറ്റിയുടെ ആഭിമുഖ്യത്തില് കാര്ഗില് വിജയ് ദിവസത്തില് അയ്യന്തോള് അമര്ജവാന് ജ്യോതിയില് ധീരബലിദാനികള്ക്ക് പുഷ്പാര്ച്ചന നടത്തി. പ്രസിഡന്റ് വിജയകുമാരന് അദ്ധ്യക്ഷനായി. സംസ്ഥാന ഓര്ഗനൈസിങ്ങ് സെക്രട്ടറി കെ.സേതുമാധവന്, ജോ. സെക്രട്ടറി കെ.വി.രാജേഷ്, സെക്രട്ടറിമാരായ സുരേഷ്കുമാര് പുറനാട്ടുകര, സുരേഷ്കുമാര് വരടിയം, ഖജാന്ജി സതീഷ്കുമാര് എന്നിവര് സംസാരിച്ചു. തുടര്ന്ന് പിഎം കെയര് ഫണ്ടിലേക്കുള്ള സംഭാവനയും സംസ്ഥാന ഓര്ഗനൈസിങ്ങ് സെക്രട്ടറിക്ക് കൈമാറി.
തൃശൂര്: ബിജെപി ജില്ലാ കമ്മറ്റി അയ്യന്തോള് അമര് ജവാന് ജ്യോതിയില് കാര്ഗില് വിജയ് ദിവാസ് ആചരിച്ചു.ശ്രദ്ധാഞ്ജലിയില് കാര്ഗില് യുദ്ധത്തില് വീരമൃത്യു വരിച്ച കേണല് വിശ്വനാഥിന്റെ ഭാര്യ ജലജ വിശ്വനാഥും ഹവീല്ദാര് ഈനാശുവിന്റെ ഭാര്യ ഷിജി ഈനാശുവും മുഖ്യാഥിതികളായി. ബിജെപി ജില്ലാ പ്രസിഡന്റ് അഡ്വ. കെ.കെ അനീഷ്കുമാര് കാര്ഗില് അനുസ്മരണ പ്രഭാഷണം നടത്തി. മേഖല ജനറല് സെക്രട്ടറി അഡ്വ.രവികുമാര് ഉപ്പത്ത്, ന്യൂനപക്ഷ മോര്ച്ച ജില്ലാ പ്രസിഡന്റ് ടോണി ചാക്കോള, മണ്ഡലം പ്രസിഡന്റ് രഘുനാഥ് സി.മേനോന്, വിബിന് അയിനിക്കുന്നത്ത്, ശ്രീജി അയ്യന്തോള്, പ്രസാദ് നാരായണന്, ശ്രീജിത്ത് വാകയില്, മുരളീധരന് എന്നിവര് ചടങ്ങിന് നേതൃത്വം നല്കി.
തൃശൂര്: മുന്കാല എന് സിസി കേഡറ്റ്സ് ക്ലബ്ബുകളുടെ സംഘടനയായ കേഡറ്റ്സ് ക്ലബ്ബും തൃശൂര് നെഹ്റു യുവകേന്ദ്രയും സംയുക്തമായി കാര്ഗല് വിജയ്ദിവസ് ആചരിച്ചു. കാര്ഗില് യുദ്ധത്തില് വീരമൃത്യുവരിച്ച സൈനികരെ അനുസ്മരിച്ച് അയ്യന്തോളിലെ അമര്ജവാന് ജ്യോതിയില് പുഷ്പാര്ച്ചന നടത്തി. കേഡറ്റ്സ് ക്ലബ്ബ് പ്രസിഡന്റ് ഡോ. ആന്റണി കുട്ടഞ്ചേരി ഉദ്ഘാടനം ചെയ്തു. പ്രിയേഷ് വിജയന്, സിജോ മേലേടത്ത്, ആന്റണി ആന്ഡ്രൂസ്, പി.എസ്. ഷഹീര് എന്നിവര് പങ്കെടുത്തു.
വടക്കാഞ്ചേരി: ബിജെപി മണ്ഡലം കമ്മിറ്റി ഓഫീസില് നടന്ന പുഷ്പാര്ച്ചനക്ക് നിയോജകമണ്ഡലം ജനറല് സെക്രട്ടറി എസ്. രാജൂ നേതൃത്വം നല്കി. എസ്.സി. മോര്ച്ച ജില്ലാ ജനറല് സെക്രട്ടറി രാജന് പുഞ്ചയ്ക്കേല്, മുന്സിപ്പല് പ്രസിഡന്റ് അനില് കുമാര്, ജനറല് സെക്രട്ടറി പ്രദീപ് അയ്യത്ത്, എസ്. സി. മോര്ച്ച മണ്ഡലം പ്രസിഡന്റ് എം.ജി ബാബുരാജന്, ന്യൂനപക്ഷ മോര്ച്ച മണ്ഡലം പ്രസിഡന്റ് സി.എ വര്ഗീസ്, എസ്.സി. മോര്ച്ച മണ്ഡലം സെക്രട്ടറി ടി.കെ രാജേഷ് തുടങ്ങിയവര് പങ്കടുത്തു.
