മാനന്തവാടി:കേരളത്തിലുടനീളമുള്ള പ്രകൃതി സ്നേഹികളെ ഒരു കുടക്കീഴില് അണിനിരത്തുകയാണ് ഒരു കൂട്ടം യുവാക്കള്. അനുദിനം വഷളായിക്കൊണ്ടിരിക്കുന്ന ഒരു ഭൂമുഖത്താണ് ഇന്ന് നാമെല്ലാം ജീവിക്കുന്നത്. കാലം തെറ്റിപ്പെയ്യുന്ന മഴയും, വേനല് കാലങ്ങളിലെ അതിതാപവും, മഴക്കാലത്തുണ്ടാകുന്ന വ്യാപകമായ ഉരുള്പൊട്ടലുകളും മുതല് കേരളത്തിലെ ഒട്ടുമിക്ക ജില്ലകളിലും കാണപ്പെടുന്ന മനുഷ്യ വന്യജീവി സംഘര്ഷങ്ങളും വരെ പ്രകൃതിയെ തീര്ത്തും അവഗണിച്ചുള്ള മനുഷ്യന്റെ സ്വാര്ത്ഥ താല്പര്യങ്ങള് മൂലമുണ്ടായവയാണെന്ന അറിവിലൂടെയാണ് ഈ കൂട്ടായ്മ സഞ്ചരിക്കുന്നത്.
പ്രകൃതി സംരക്ഷണ സന്ദേശങ്ങള് നവ മാധ്യമങ്ങള് വഴി എല്ലാ ജനങ്ങളിലേക്കെത്തിക്കുകയും, കൂടാതെ പ്രത്യക്ഷമായി വിവിധ പരിപാടികള് സംഘടിപ്പിച്ച് കുട്ടികളെയും യുവജനതയെയും ബോധവല്ക്കരിക്കാനും അത് വഴി മികച്ച പാരിസ്ഥിതിക വിദ്യാഭ്യാസമുള്ള ഒരു തലമുറയെ വാര്ത്തെടുക്കുകയെന്നതുമാണ് കൂട്ടായ്മയുടെ ലക്ഷ്യം. പ്രകൃതിക്കും വന്യ ജീവിതങ്ങള്ക്കും വേണ്ടിയുള്ള ഈ കൂട്ടായ്മയില് പ്രവര്ത്തിക്കാന് നിസ്വാര്ത്ഥമായ മനസ്സ് മാത്രമാണ് നമുക്ക് ഉണ്ടാകേണ്ടത് എന്ന് ഇവര് തിരിച്ചറിയുന്നു. കൂടാതെ പ്രകൃതിയെ സംരക്ഷിച്ചു നിര്ത്തിയാല് മാത്രമേ മാനവരാശിക്കും നിലനില്പ്പുള്ളു എന്ന അടിസ്ഥാന തത്വം എല്ലാവരും ഉള്ക്കൊള്ളേണ്ടതുമുണ്ട്. ഈ കൂട്ടായ്മയില് അംഗമാകാന് താല്പര്യമുള്ളവര്ക്ക് താഴെ കൊടുത്തിരിക്കുന്ന നമ്പറില് വാട്സ് ആപ്പില് ബന്ധപ്പെടാവുന്നതാണ്. 8943302668
