പത്തനാപുരം: നാലുവര്‍ഷമായി പന്ത്രണ്ട് വയസുകാരിയായ മകളെ പീഡിപ്പിച്ചുവന്നയാളെ കുന്നിക്കോട് പോലീസ് പിടികൂടി. കുട്ടിയുടെ പരാതിയില്‍ നാല്‍പത് വയസുകാരനാണ് പിടിയിലായത്. കഴിഞ്ഞദിവസം ശാരീരിക ബുദ്ധിമുട്ടുകളെ തുടര്‍ന്ന് കുട്ടിയെ കുന്നിക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചിരുന്നു.
സംശയം തോന്നിയ ഡോക്ടര്‍ പുനലൂര്‍ താലൂക്കാശുപത്രിയിലേക്ക് മാറ്റി. അവിടുത്തെ പരിശോധനയില്‍ പിതാവിന്റെ പീഡനവിവരം ഡോക്ടറോട് വിദ്യാര്‍ഥിനി തന്നെ തുറന്ന് പറയുകയായിരുന്നു. തുടര്‍ന്ന് താലൂക്കാശുപത്രിയിലെ ഗൈനക്കോളജി വിഭാഗം ഡോക്ടര്‍ ചൈല്‍ഡ് വെല്‍ഫെയര്‍ അധിക്യതരെ വിവരമറിയിച്ചു. കുട്ടിയുടെ മൊഴിരേഖപ്പെടുത്തിയ ഇവര്‍ കുന്നിക്കോട് പോലീസിന് പരാതി നല്‍കി. പ്രതിക്ക് അഞ്ച് മക്കളാണുളളത്. അമ്മയോട് പറഞ്ഞാല്‍ കൊന്നുകളയുമെന്ന് ഭീഷണിപ്പെടുത്തിയായിരുന്നു വര്‍ഷങ്ങളായി പീഡനം നടത്തി വന്നത്. ഇയാള്‍ പ്രദേശത്തെ പ്രാദേശിക സിപിഎം പ്രവര്‍ത്തകനാണ്. കുന്നിക്കോട് സിഐ മുബാറഖിന്റെ നേത്യത്വത്തിലുളള സംഘമാണ് പ്രതിയെ പിടികൂടിയത്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: