കുമ്പള: കോവിഡ് രോഗികളുടെ എണ്ണം വര്ധിച്ചുവരുന്ന സാഹചര്യത്തില് കുമ്പള പഞ്ചായത്തില് 24 മുതല് 15 ദിവസത്തേക്ക് സമ്പൂര്ണ്ണ ലോക്ക്ഡൗണ് ഏര്പ്പെടുത്താന് ഗ്രാമപഞ്ചായത്ത് യോഗം തീരുമാനിച്ചു. പഞ്ചായത്തിലെ 23 വാര്ഡും പൂര്ണ്ണമായി അടച്ചിടും.
അവശ്യസാധനങ്ങള് വില്ക്കുന്ന കടകള് ഒന്നിടവിട്ട ദിവസങ്ങളില് തുറക്കാന് അനുമതി നല്കും. ഉള്പ്രദേശങ്ങളില് വാഹന നിയന്ത്രണം കര്ശനമായി ഏര്പ്പെടുത്തും. ഇതിനായി പൊലീസ് പരിശോധന കര്ശനമാക്കും. അനാവശ്യമായി വാഹനങ്ങളില് കറങ്ങുന്നവര്ക്കെതിരെ കര്ശന നടപടി സ്വീകരിക്കും.
കണ്ടെയ്ന്മെന്റ് സോണുകളില് അക്ഷയ കേന്ദ്രങ്ങള് രാവിലെ 11 മുതല് വൈകീട്ട് അഞ്ച് വരെ പ്രവര്ത്തിക്കും
കാസര്കോട്: പ്ലസ്വണ് പ്രവേശനമടക്കമുള്ള അപേക്ഷാ സേവനം നല്കേണ്ടതിനാല് അക്ഷയ കേന്ദ്രങ്ങള്ക്ക് കണ്ടെയ്ന്മെന്റ് സോണുകളില് ഉള്പ്പെടെ രാവിലെ 11 മുതല് വൈകിട്ട് അഞ്ച് വരെ പ്രവര്ത്തിക്കാമെന്ന് കോറോണ കോര്കമ്മറ്റി യോഗം തീരുമാനിച്ചു.
