ന്യൂദല്ഹി: സ്വാതന്ത്ര്യ സമരസേനാനികളായ ലോകമാന്യ ബാലഗംഗാധര് തിലകിന്റെയും ചന്ദ്രശേഖര് ആസാദിന്റെയും ജയന്തി ദിനത്തില് ഇരുവര്ക്കും പ്രണാമമര്പ്പിച്ച് പ്രധാനമന്ത്രി നരേന്ദ്രമോദി. “ഭാരതമാതാവിന്റെ വീരപുത്രന്മാരായ ബാലഗംഗാധര് തിലകിനും ചന്ദ്രശേഖര് ആസാദിനും ഇരുവരുടെയും ജയന്തി ദിനത്തില് പ്രണാമം അര്പ്പിക്കുന്നു”. മോദി ട്വിറ്ററില് കുറിച്ചു.
ഉപരാഷ്ട്രപതി വെങ്കയ്യ നായിഡു, കേന്ദ്ര ആഭ്യന്ത്ര മന്ത്രി അമിത് ഷാ, പ്രതിരോധ മന്ത്രി രാജ്നാഥ് സിങ്, ബിജെപി അധ്യക്ഷന് ജെപി നദ്ദ എന്നിവരും ആദരാഞ്ജലികള് അര്പ്പിച്ച് ട്വീറ്റ് ചെയ്തു. “ഇന്നത്തെ യുവാക്കള് അവരുടെ ജീവിതത്തെക്കുറിച്ചും രാജ്യത്തിന്റെ സ്വാതന്ത്ര്യത്തിനായി അവര് ചെയ്ത ത്യാഗങ്ങളെക്കുറിച്ചും വായിച്ചിരിക്കണമെന്ന് എനിക്ക് തോന്നുന്നു”. ഫേസ്ബുക്കിലെ കുറിപ്പ് പങ്കുവെച്ചുകൊണ്ട് ഉപ രാഷ്ട്രപതി പറഞ്ഞു.
