തിരുവനന്തപുരം: വെട്രിവേല്‍ വീരവേല്‍ ക്യാംപെയ്‌ന് പിന്തുണ അറിയിച്ച് മുതിര്‍ന്ന ബിജെപി നേതാവ് ഒ. രാജഗോപാല്‍ എംഎല്‍എ. ‘സ്വാഭിമാനമുള്ള തമിഴ് ജനതയ്ക്ക് ഐക്യദാര്‍ഢ്യം’ എന്ന കുറിപ്പോടെ മുരുക ഭക്തിഗാനം ഫേസ്ബുക്കില്‍ പോസ്റ്റ് ചെയ്താണ് അദേഹം പിന്തുണ രേഖപ്പെടുത്തിയത്. ഇടത്, ഡിഎംകെ അനുകൂല സംഘടന കറുപ്പര്‍ സംഘം, സ്‌കന്ത ശഷ്ഠി കവചത്തെ പരിഹസിച്ചുകൊണ്ട് പുറത്തു വിട്ട വീഡിയോക്കെതിരെ നിരവധി പ്രമുഖരാണ് രംഗത്തെത്തിയത്. ശബരിമല നാമജപ പ്രതിഷേധ മാതൃകയില്‍ തമിഴ്‌നാട്ടില്‍ നടക്കുന്ന പ്രതിഷേധത്തിന് ബിജെപി സംസ്ഥാന ഘടകം പൂര്‍ണ പിന്തുണ പ്രഖ്യാപിച്ചിരിക്കുകയാണ്.
തമിഴ്‌നാട്ടില്‍ ദിവസങ്ങള്‍ക്കുള്ളില്‍ ‘വെട്രിവേല്‍, വീരവേല്‍’ എന്ന ക്യാംപെയ്‌നും ഹാഷ് ടാഗും തരംഗമാവുകയാണ്. ജനങ്ങള്‍ സ്‌കന്ദ ഷഷ്ഠി കവച പാരായണം നടത്തി തെരുവില്‍ പ്രകടനം നടത്തി. ഹിന്ദു മുന്നണിയും മറ്റ് ഹൈന്ദവ സംഘടനകളും പ്രതിഷേധത്തില്‍ അണിനിരന്നു. ഡി.എം.കെയുമായി അടുത്ത ബന്ധമുള്ളവരാണ് കറുപ്പോര്‍ കൂട്ടത്തിന്റെ പിന്നിലെന്നാണ് റിപ്പോര്‍ട്ട്.
സംഭവം വിവാദമായതോടെ ചാനല്‍ അവതാരകനായ സുരേന്ദ്രന്‍ നടരാജന്‍ പൊലീസിന് മുന്നില്‍ കീഴടങ്ങിയിരുന്നു. സിനിമാ നടന്മാരും സാംസ്‌കാരിക പ്രവര്‍ത്തകരുമെല്ലാം കറുപ്പര്‍ കൂട്ടത്തിനെതിരെ പ്രതിഷേധിച്ചു. ഇതേത്തുടര്‍ന്ന് കറുപ്പര്‍ കൂട്ടവുമായി ഒരു ബന്ധവുമില്ലെന്ന് ഡി.എം.കെ പ്രസ്താവനയിറക്കിയിട്ടുണ്ട്.
പ്രതികരിക്കാൻ ഇവിടെ എഴുതുക: