കടുത്തുരുത്തി: കടുത്തുരുത്തി സെന്റ് മേരീസ് ഫൊറോന പള്ളി (താഴത്തുപള്ളി) വികാരിയ്ക്കും സഹ വികാരിയ്ക്കും കൈക്കാര്ക്കും എതിരെയാണ് പൊലീസ് കേസെടുത്തിരിക്കുന്നത്. പള്ളി വികാരി ഫാ.സെബാസ്റ്റ്യന് കൊല്ലംപറമ്പില്, കൈക്കാരന്മാരായ ഔസേപ്പച്ചന് ചിറപ്പുറം, ബേബി വഞ്ചിപ്പുരയ്ക്കല്, ജോയി വടക്കേ ഓലിത്തടം, അസി.വികാരി ഫാ.ഷിന്റോ വര്ഗീസ് എന്നിവര്ക്കെതിരെയാണ് കടുത്തുരുത്തി പൊലീസ് കേസെടുത്തിരിക്കുന്നത്.
ഞായറാഴിച രണ്ടു കുര്ബാനയാണ് പള്ളിയില് നടത്തിയിരുന്നത്. രാവിലെ ആറു മണിയ്ക്കു നടന്ന ആദ്യ കുര്ബാനയില് നിയന്ത്രണങ്ങള് ലംഘിച്ച് ആളുകള് പങ്കെടുത്തിരുന്നു. വിവരം അറിഞ്ഞ് സ്ഥലത്ത് എത്തിയ പൊലീസ് സംഘം ആദ്യം പള്ളി വികാരിയെയും, സഹ വികാരിയെയും വിളിച്ച് സ്ഥിതി ബോധ്യപ്പെടുത്തുകയും ചെയ്തിരുന്നു. എന്നാല്, പത്തു മണിയോടെ നടത്തിയ രണ്ടാം കുര്ബാനയില് എണ്പതില് അധികം ആളുകള് സാമൂഹിക അകലം പാലിക്കാതെ എത്തുകയായിരുന്നു.
വിവരം അറിഞ്ഞു സ്ഥലത്ത് എത്തിയ കടുത്തുരുത്തി പൊലീസ് വൈദികനും, സഹ വൈദികനും പള്ളിയിലെ കൈക്കാര്ക്കും എതിരെ കേസെടുക്കുകയായിരുന്നു. പള്ളിയില് കുര്ബാനയ്ക്കായി കൂടിയ ആളുകള്ക്കും എതിരെ കേസെടുക്കും. കഴിഞ്ഞ ദിവസങ്ങളില് പ്രദേശത്ത് മാത്രം അഞ്ചു പേര്ക്കാണ് കൊവിഡ് സ്ഥിരീകരിച്ചത്. കടുത്തുരുത്തിയിലും, മാഞ്ഞൂരിലും കടുത്തുരുത്തി ടൗണിലും മാര്ക്കറ്റിലും അടക്കം പലര്ക്കും കൊവിഡ് സ്ഥിരീകരിക്കുകയും ചെയ്തു. എന്നാല്, ഇതിനു ശേഷവും നിയന്ത്രണങ്ങള് ലംഘിച്ച് തന്നെയാണ് ആളുകള് ജീവിക്കുന്നതെന്നു വ്യക്തമാകുകയാണ് ഏറ്റവും ഒടുവില് പള്ളിയില് കൂടിയവര്ക്കെതിരെ കേസെടുത്തതിലൂടെ വ്യക്തമാകുന്നത്.
