തിരുവനന്തപുരം : ജീവനക്കാരന് കൊറോണ സ്ഥിരീകരിച്ചതിനെ തുടര്ന്ന് തിരുവനന്തപുരത്തുള്ള ഡിവൈഎഫ്ഐ സംസ്ഥാന കമ്മിറ്റി ഓഫീസ് അടച്ചു. ജീവനക്കാരില് ഒരാള്ക്ക് കൊറോണ ബാധ സ്ഥിരീകരിച്ചതിനെ തുടര്ന്ന് ഓഫീസ് അടച്ചിടാന് ആരോഗ്യവകുപ്പാണ് നിര്ദ്ദേശം നല്കിയത്.
ഓഫീസിലുണ്ടായിരുന്ന ഡിവൈഎഫ്ഐ സംസ്ഥാന സെക്രട്ടറി എ.എ. റഹീം അടക്കമുള്ള ആളുകളോട് നിരീക്ഷണത്തില് പോകാനും അധികൃതര് ആവശ്യപ്പെട്ടിട്ടുണ്ട്.
ഓഫീസിന്റെ പ്രവര്ത്തനങ്ങള് നടത്തിയിരുന്ന അഞ്ച് പേരേയും ഓഫീസില് സ്ഥിരമായി എത്താറുള്ള റഹീമിനേയുമാണ് നിരീക്ഷണത്തിലാക്കിയിരിക്കുന്നത്. അതേസമയം രോഗം സ്ഥിരീകരിച്ച ഓഫീസ് ജീവനക്കാരന്റെ ഉറവിടം വ്യക്തമല്ല.
