ദുബൈ ആസ്ഥാനമായി പ്രവര്‍ത്തിക്കുന്ന ലൈംലൈറ്റ് പിക്‌ച്ചേഴ്‌സ് ഇന്ത്യയിലേക്കും. ഇവരുടെ ആദ്യ സംരംഭമായ കളേഴ്‌സ് എന്ന തമിഴ് ചിത്രത്തിന്റെ ചിത്രീകരണം പൂര്‍ത്തിയായി. മലയാളത്തില്‍ ഇരുപത്തഞ്ചോളം ചിത്രങ്ങള്‍ സംവിധാനം ചെയ്ത നിസാറാണ് കളേഴ്‌സ് സംവിധാനം ചെയ്യുന്നത്. മെഗാ മീഡിയ പ്രൊഡക്ഷന്‍ ഹൗസ് ദുബൈയുടെ സഹകരണത്തോടെ ലൈംലൈറ്റ്‌സ് പിക്‌ച്ചേഴ്‌സിനു വേണ്ടി അജി ഇടിക്കുള, ജിയ ഉമ്മന്‍ എന്നിവരാണ് ചിത്രം നിര്‍മിക്കുന്നത്. ശരത് കുമാറിന്റെ മകള്‍ വരലക്ഷ്മി ശരത് കുമാര്‍, ഇനിയ, ദിവ്യ പിള്ള, രാംകുമാര്‍, എന്നിവര്‍ പ്രധാന വേഷത്തിലെത്തുന്ന ചിത്രത്തില്‍ മറ്റ് പ്രമുഖ താരങ്ങളുംവ വേഷമിടുന്നു.
ചടുലമായ മാര്‍ഷല്‍ ആര്‍ട്‌സും എയ്‌റോബിക് ഡാന്‍സിന്റെ വശ്യതയും, കഥാപാത്രങ്ങളെ അവതരിപ്പിക്കുന്ന മനോഹരമായ തീം മ്യൂസിക്കും ഇമ്പമാര്‍ന്ന ഗാനങ്ങളും കളേഴ്‌സിന്റെ സവിശേഷതകള്‍ ആണ്. ചിത്രീകരണം പൂര്‍ത്തിയായ ചിത്രത്തിന്റെ സ്റ്റുഡിയോ വര്‍ക്കുകള്‍ പുരോഗമിക്കുന്നു.
പ്രതികരിക്കാൻ ഇവിടെ എഴുതുക: